إحمر … بأحمر…كله مهربج …وإسمه فالانتاين ..!!!
تاريخ النشر: 24/02/12 | 0:13
كبر البصل واتدوّر ونسي زمانه الأول.
عشنا وشفنا وأجانا عيد جديد!!!
واسمه ….عيد الحب .
يا جماعة الخير ..معقول انه للحب صار عيد ونحتفل فيه يوم في السنة !؟.؟
طيّب وباقي ايام السنة…؟؟ …يعني منحبش؟
طيّب فهموني ..في عيد الحب انحب مين؟ يعني الزلمة يحب مرته يوم في السنة وباقي السنة استراحة…؟
والله انا موافق ..لانه المرّة بتحبش الزلمة ولا يوم في السنة لانها بتحب المصاري اللي بجيبها جوزها عشان تحب حالها..(بجوز انا غلطان!!).
يوم عيد الحب طلع يوم عيد ميلاد ابني …وهيك انا عرفت بهذا العيد ….لانه قالولي انه اليوم هو الفالانتاين !!
الفالانتاين….؟؟؟
*الحلا قلوب حمرا
*المناشف حمر
*الملابس المبينه والمش مبينه احمر احمر احمر
*الورد احمر
*الغرفة حمرا
*الاَيفون احمر
*المناكير حمرا…والحومرا حمرا حمرا زي النار
واَخرتك ان شاء الله بجنهم الحمرا..!!
جننتِنا..ونعلتن إمنا على عزا أبونا
اي هو ناقصنا جنون حمر ؟؟؟
يعني بنفهم من الاَخر انه عيد الحب هو للمَرة !! بس ما هي نسيت انها بقت تعّبي المية من البير وتخبز بالطبون وتغسل على ايديها وتجلي , وتشطف الدار وقاعها بنفس المية !!
هالايام بدها شغالة ..!!, نفسيّتها تعبانة بدها نقاهة ..!, موجوعة بدها مساج..!, التلفزيون بعجبهاش بدها بلازما..!, المحشيف بتغدرش تنقلو بدها لابتوب..!, والانترنت بدهاش مع قابل بدها وايرلس… وفوق كل هاذ بدها * عيد حب!!!
الله يقدرنا احنا الزلام ونعطيهن 99% عشان يعطّينا 1% وخلف الله عليهن .!!
عيد حب وانتن نايمات على المتينات الحمر وانتن بألف صحة وخير .
دندرة مع ….اخوكم اللي قلبه ودمه احمر عن غصب عنه “ابو العرّيف”.
والله خيا اللي بوجعك بوجعني وقل اللي بتقولو احمر بأحمر شايف صرنا نحكي بالاحمر
برافو عليك يا عمي ابو العريف كلامك جواهر ولله انا زيك بلا عيد حب بلا بطيخ احمر
ابو العريف بدك ناس ونسوان يفهموك,,,,,بس منين يا حسرة
والله يا ابو العريف انك جن ابرق..ومسحوب من السانك,ومش عارف منين بجيك هلفكر النير عشان نزهزه عن حالنا اشوي,جوووووود واحكي الي بنقدرش نحكيه.
انت بالك انه كل النسوان مايصات,لع,في نسوان بمليون زلمه وعينك بالناظر اكم مديرة مدرسه عنا بكفر قرع…واكم مية (100) معلمة والحبل عجرار…ومتزعلش يا ابو العريف اخرى اكم سنه عيد الحب بصير لزلام(لمعدلين)!!
هلا بهطله اهلا….وين هلغيبه,اشتقنالك والله..بحياتك ما اطول علينا…..ما انت فاشش غلنا بهنسوان.يسلم ثمك وايديك طبعا الي كتبت
واَخرتك ان شاء الله بجنهم الحمرا
تقال فقط لمن يعمل حساب هذا اليوم ويحتفل فيه
ناس اخر زمن مو عندهم شغله غير الهبل بهبل
والله بعز علي لما امر من امام بعض الحوانيت وهي مجهزه نفسها لهذا اليوم
يا حسرى عليك يا مسلم الى اين وصلنا ؟؟؟؟
ابو العريف وكل من يؤيده لما بيحكي على النسوان اكيد من اللي ما بيمونوا على حالهم في بيوتهم علشان هيك بدهم يفشوا غلهم بكتابة تعليقات ظريفة مثلهم
هناك نساء بمئة رجل وهناك شياطين لكن متزوجات لانذال وسقايط اللي الواحد منهم بطل يزور امه واخته مشان يرضي العلة قصدي الشيطان اللي في بيته اما اهلها وامها يا لطيف طول النهار عندها او هي عندهم اكلين شاربين نايمين
جهنم وبئس المصير هيك زلام وهيك نسوان