تعاطف مع ولد بالطيرة لم يشارك أحد بعيد ميلاده

ظاهرة التنمر ، أخذت بالتزايد في الأونة الاخيرة ، وخاصة بين جيل الاطفال والفتيان . وكان أخر هذه الاحداث حينما قامت السيدة فاتن منصور بشارة من سكان مدينة الطيرة ما حصل مع أبنها البالغ من العمر ١٣ عاماً ، حيث كتبت على صفحتها الخاصة عبر موقع التواصل الاجتماعي :” أنا مصدومة من تصرفات الجيل الجديد الي طالع !! ابني عمره ١٣ دعى ١١ شخص على حفلة عيد ميلاد ولا حدا اجا !! ، صاعقة !! هاي قمة التنمر ولو اول واحد بروح ع كل حفلات اصحابه ! حطو حالكم محلي دقيقة ؟ الولد ابتامته اختفت ! حقيقه اليوم صارت”.

المنشور الذي قامت الام بكاتبته أخذ بالانتشار بين المواطنين في المدينة والوسط العربي مما شكل تضامن كبير مع الام وأبنها ، حيث قام الشاب براء قاسم من مدينة الطيرة بنشر دعوة عبر صفحته على موقع التواصل الاجتماعي كتب بها :”بكرا رايح انا وفريق هبوعيل الطيرة واصحابي وعيلتي وقرايبي نشارك الطفل عيدو بتمنى اشوف اكبر عدد من الناس بالعيد ميلاد مع اولادهم، بكرا عال 20:30 بنقلكم عن العنوان، بدنا نعملوا اكبر عيد ميلاد صار بالبلد”.

ونشر اليوم منشورًا ثانيًا قال فيه: “مرحبا للجميع، اول اشي بدي اتشكر كل حدا كتب ودعم، بتثلجوا الصدر وبترفعوا الراس والله، الله محيي اصلكم واحد واحد، متوقعتش الاشي يكبر لهالدرجة بس هاد كلو دليل على قديش انو احنا بخير ومجتمعنا بخير، اليوم على الساعه 20:00 حابين نحتفل بعيد ميلاد ادم بالملعب البلدي الطيرة المثلثبتشرفونا من جميع البلدان، وبتمنى اشوف اكبر عدد من الناس مشان صوتنا يوصل لكل بيت ولكل ام محروقة على ابنها من التنمر”.مجتمعنا بخير، وشبابه بخير.. مُبادرة تستحقّ الثّناء ونأمل أن تكون هذه الحادثة عبرة للجميع وألا تتكرّر مع طفل آخر.