الله يْدِيم الحُبّ بينِ النَّاسْ

إليكم قصيدة الشاعر كمال ابراهيم بالمحكي : – الله يْدِيم الحُبّ بينِ النَّاسْ – نصًّا وإلقاءً بصوتِه عبر الفيديو التالي :
“الله يْدِيم الحُبّ بينِ النَّاسْ
وِيزُولِ الشَّر وِالوِسْوَاسْ
يْبَرِّينَا مْنِ المَكَّار الخَنَّاسْ
وِيدِيم العَطْف وِالإحسَاسْ

بَدنَا مَحَبِّة تْسُود وِالإخْلاصْ
مَا بَدنَا فَقر وْجُوع وْإِفلاسْ
مَا بَدنَا حِقد وْكُره وْمَسَاسْ
بَدنَا رِضَى البَارِي وِالخَلاصْ

الله يِحمِي الوَطَنْ وِالنِّبرَاسْ
وْيِحْمِي خَلقُو مِنْ كُلِّ الأَجْنَاسْ
إنشَالله يْزُولِ القَتِلْ بِالرَّصَاصْ
وْمَا يبْقَى لا مُجْرِمْ أوْ قَنَّاصْ

يَا أَحبَابِي بِالحَقيقَة وِالأَسَاسْ
رُاعُوا الأَئِمِّة وِالسُّيَّاسْ
مَعْهُم وَصَايَا بْتِنبَاسْ
مَكْتُوبِة بِالقَلَمْ وِالقرطَاسْ”.