صحّ لسانِك

خاطرة كتبتها الحاجة إم شفيق يسرى سيد أحمد، لغتنا العربية يسر لا عسر، هناك استعمال وإدخال مصطلحات وكلمات دخيلة من لغات أجنبية في لغتنا المحكية. اللغة مركب هام في هويتنا وثقافتنا .

يا أختي صحّ لسانِك
خلّي العدل ميزانك
افتخري بلغة قُرآنك
الله يزيد بإحسانِك

سيبِك “هآي شلوم”
لا تخلّي بقلبك هموم
قولي السلام عليكم
واهلاوسهلا بالعُموم

وقولي احنا من سخنين
الارض تحتنا بِتْنين
يا رب احمي بلادي
وكل بلاد فلسطين

إذا قلتو كنا ب”ياعَد”
والله عنكو منتباعَد
هاي جارتنا ميعار
وأهلها كلّن أحرار
فيها الزعتر والمُرّار
ومسَوَّرة بياسمين

لما بتنزل ع شعب
عنك بِزول التعب
إذا الكلام من ذهب
السكوت يسوى ملايين

قالو الكلام من فضة
والسكوت من ذهب
لا تخلو الحكي فوضى
إحكوا بِلْسان العرب