يا ريم صرتي بالسّما نجمِة

لروح المرحومة ريم فهمي دحلة

يا ريم صرتي بالسّما نجمِة
ضوّي علينا حتى تزول هالعتمِة
قومي يا إمي جهّزي جهازي
بلكي يا إمي تروح هالغُمِّة

يا ريم إنتِ طير بالجنِّة
وإمك تعِنّ عنِّة بعدها عنِّة
وأختك تحضّر للعرس غِنّيّات
“ولريم ما حدا غيري بيغنّي”

يا ريم قومي وِالِبْسي الطرحة
والثوب لِبيَض تَتِكمَل الفرحة
تعالي ياختي ضفّري شعري
لون السنابل طهارة القمحة

حُزني عليكي بليلة الحِنّا
عريسك عظَهر الخيل بستنّى
وَيْلي علّي راح وما تهَنّا
وْعَلْ ما خضّب الكفّين بالحِنّا

قولوا لَبَيّي يحضّر القهوِة
وحلّيني بالصبر يا ربّ والقُوِّة
وتجمّلوا بالصبر يا خواني
ترى الخيّات هني الأهل والعزوِة

وتجمعوا الخالات والعمّات
واهل البلد وضيوف والجارات
تيجهزوا العروس للطلعة
برحلة بعيدة فوق هالغيمات

* من أشعار أم شفيق يسرى سيد أحمد
في رثاء أخت كنتها