أناقة وأحلى طلّة

(كلمات في حفيدتنا ميشيل جبران دعيم وهي تتنكّر بلباس ياباني )

يابانيّة وخِفّة روحْ
ونغنوشة وين ما تروحْ
ما بْتهدا إلاّ تَ تْبوحْ
بأسرارها هالحلوينْ

أناقة وأحلى طَلّهْ
وريحتها بعطرِ الفُّلِهْ
شوفتها بتشفّي العلّهْ
وبتْنوِّر أرض عبلّين

ربّي مِن فوق يحميكي
يشقّ الصّخرة ويسقيكي
ومن خيراتو يعطيكي
طول العُمر والسّنينْ

ميشيل زهرة بدُربي
ويشهد عليِّ ربّي
عطرها كُلّو مْحبّي
ورد ومنتور ونِسرينْ