عبلّين

أووف ..
موّال :
لوْ ملكّوني الارض والاموالْ
ورَشّوا دروبي بالذَّهَب أميالْ
غير عبلّين ما برْتضي موّالْ
تعزف حياتي على وتر الحنين
***
ورد وفُلّ وياسَمين
وهمسة عَ خَدِّ السِّنين
بتكتب قصّة وحْكايات
على جْبينِك يا اعبلّين
***
طيري وغنّي يا بلدنا
واحكي عن عُمَر وحَنّا
وانشري المجد مْواويل
من السّما ….و لعِنّا

انتِ في قلوبنا موّال
لوْحة من دُنيا الخَيال
بترسم في ليلة شِتا
عَ شْفاف الدفا شلّال