الشوارع ناقصها سيارات وبنزيد الطين بلة …أسفنوت
تاريخ النشر: 12/01/12 | 13:55
مكاتب الترخيص بدها مصاري شارع 6 بدو مصاري التست بدو مصاري التأمين بدو فلوس الميكانيكي بدو دراهم العجال بدها دولارات ومنين كل هذا؟؟ البنك ملك السيارات. ما هو الولد بدو سيارة زيو زي اصحابه, شو انجبلو ؟؟؟ إحنا نجبلوا!!!؟؟ شو بدو هو ……احنا عن خبط على رقابنا بنجيب…. بدو جولف 2400 !! بدو هوندا سيفيك !! بدو بيجو كشف !! ميتسوبيشي !! زي هالأُمة اللي بالشوارع ولا جيب هامر !!؟؟ يللا ما هو برظو للعيلة. حجة بحاجة. دمرنا حياتنا وطبشنا التخنيوت ( التوفيرات) اللي في البنك وجبنا السيارة ليش؟؟ وعليش ؟؟ ومنين؟؟ الله اللي بدرا. …. لزقناها قرون من طين ويا ريت وقفت على هيك ..اجا دور التوسفوت " الإضافات" . وكل هذا عشان نتفنن ونلعب روليتا مع الموت ونقول بالاَخر الله يرحمو ويصبّر أهله. والتكنولوجيا اللي بالسيارة ….ولا مركز المخابرات الامريكية… تلفونات لكل الشركات !! محشيف نيّاد !! جي بي إس !! دي في دي !! سماعات جي بي إل !! يعني محطة بث واستقبال وبنفس الوقت سيارة……وبالاَخر تابوووت!!! * أفنوعيم – يللا بهمش… مع رخصة , بدون رخصة….. المهم تتريّح من قرقعتوا!! * تركتورونات – يللا ما هو للشيطح , بطلع يزهزه عن حاله !! ولا ما هو عندو سفن استيراد!!! * سيارات 4×4 – عالجبال…الحمد لله اليوم صرنا مليونيرية وبنطلع انخرب السيارات عالجبال والوديان وثاني يوم بنقعد بالكراج وبندفع اربع خمس الاف شاقل منشان نقول حفياه (חוויה)< بعدين يا ناس وينتا بدنا نصحى!!!؟؟ والله يا جماعة …صارت السيارة قنبلة!! عصاحبها وعللي إقبالها. واللي سايق السيارة معاه سلاح موت!! إله وعليه!! وينتا بدو يصير عنا تربية اسمها سيارة!! عشان الولاد ميتيتموش !! والنسوان ميتلرملنش!! والإميات ميذوقنش الحسرة!! وعلشان ايش !!؟؟ سيارة؟!! الله اكبر! المستشفيات مليانة حوادث طرق الفيزوترابيا مليانة حوادث طرق نخيم "معاقين" مليانة حوادث طرق مقابر ملانة حوادث طرق شروات السيارات ملانة عشان حوادث الطرق بديش اطول عليكم, السيارات قديش بكون حقها ولو طوّلنا عمرها (أسفنوت) اَخرتها على مقبرتها والبني اَدم اَخرته برظو عالمقبرة سواء معاه سيارة او معوش!! والبقية تأتي… دندرة مع ابو العرّيف
الله بعين مقال حلو وواقعي وصحيح الله يفهمنا ويبارك بالي كتبو
حياك الباري اخي ابو العريف..وجمل ايامك بالقناعة ومكارم الاخلاق..
قيل..القناعة كنز لا يفنى..وعلى قد فراشك مد رجليك..
الحياة الاستهلاكية التي يعيشها مجتمعنا تصرف اموالا اكثر من المدخولات..
معظمنا يعاني من قلة السيولة.ومن الديون الكبيرة…
لا عيب ان نناقش امورنا المالية بصورة موضوعية عقلانية..نرتب الامور
ونضعها في المسار السليم..
الحياة الكريمة يلزمها ثقافة استهلاكية..ثقافة مالية…ادارة ممتازة لمصاريف العيشة..
السلف الراحل تصرفوا بحنكة تحت شعار القناعة..السترة..اداروا امورهم المالية
بتواضع..عملوا باصرار الى خلق حياة فاضلة جوهرية المضامين..
عزيزي ابو العريق..سلمت اناملك على مقالتك الهادفة..بوركت..جزاك الله كل الخير
والبركة..
شكرا ابو العريف الموضوع جدا قوي اكثر ما يتصوره الانسان العادي لهاذا السبب لا ارى التعقيبات على الموضوع
انا مجنون سيارات بس بعدما قراءت اقوالك المءثره بدءت افكر
اكثر من مرة اثناء قيادتي للسيارة وخاصة اني وحيد بين اربع صبايا ابو العريف بحبك وبحب دندرتك
سبحان الله بنفس الصفحه بموقع بقجه اكم حادث سياره موجود ابو العريف يا وحش
بقجه اطرحو موضوع الارنونا وظرايب البيوف وظرايب المجلس
والمقربين عالصحن بالمدارس والتعيينات والمديرية العرب كل في وظيفته وتعاملة مع الناس واللي اوطى منه بشغلته وكل الاشيا هاي
باحترام
ام احمد
شو بدكم تطرحو ولا شو محدا راضي بنصيبه لذالك كل انسان يغير بحاله وخلص يمكن او بجووز والامل ضئيل يصير يعجبنا اشي. الله بعين.