حكاية جبينة

كان يا مكان كان في هالقرية فيها هالمرة لا تحبل ولا تجيب ,ويوم من الأيام مرّ بياع هالجبنة,
البياع:”جبنة بيضة,جبنة للبيع ,اللي بجو يشتري جبنة,جبنة جبنة”
ام جبينة:”يا رب تطعمني بنت يكون وجها ابيض مثل قرس هالجبنة”
الله سمع منها حبلت وجابت بنت وجها ابيض مثل قرص الجبنة سمتها جبينة كبرت هالبنت وصارت أحلا
من كل بنات البلد
يوم كان في عرس بالبلد وبدها تروح الفاردة تجيب العروس من بلد تانية
صاحبات جبينة:يا جبينة تعالي معنا عالفاردة
جبينة:بعرفش روحو قولو لامي

راحو صاحبات جبينة لام جبينة
صاحبات جبينة:يا ام جبينة بحيات جبينة تخلي جبينة تيجي معنا عالفاردة
ام جبينة:بمونش روحو قولو لأبوها

راحو صاحبت جبينة لأبو جبينة بالمزرعة
صاحبات جبينة:ياأبو جبينة بحيات جبينة تخلي جبينة تيجي معنا عالفاردة
أبو جبينة:بمونش روحو قولو لعمها

راحو صاحبات جبينة لأعم جبينة بالدكانة
صاحبات جبينة:يا عم جبينة بحيات جبينة خلّي جبينة تيجي معنا عالفاردة
عم جبينة:طيّب خليها تروح بس ديرن بالكن عليها
بعد ما وافق عم جبينة راحو حكو لجبينة تجهز حالها ,ام جبينة لبستها وبعثت معها العبدة وأعطتها الخرزة وقالتلها:”اسعي يمّا اذا صار معك أي اشي بس احكي للخرزة وأنا بسمعك”
جبينة:حاضر يمّا

راحت جبينة مع الفاردة وساقتها العبدة,
العبدة:طيحي تا اركب مطرحك
جبينة للخرزة:هي يمّا هاي العبدة بدها تطيحني وتركب مطرحي
ام جبينة بالخرزة:سيري يا عبدة

وكل شوي تطلب العبدة من جبينة أنو تركب مطرحها لحتى وصلو عالنهر,نزلت جبينة تشرب ووقعت الخرزة منها
العبدة:ضحكة ساخرة هاهاهاهاهاهاهاها هّا انتي العبدة وأنا الست

قامت العبدة دهنت حالها بتراب أبيض ودهنت جبينة بسخام أسود وغيرو طريقهم لمنطقة قصر السلطان,شافهم ابن السلطان وحكى للولد اللي عندوو
“هي يا ولد روحو نادي هذول الصبايا”
الولد:حاضر يا سيدي

الولد:يعطيكن العافية بقولكن سيدي اتفضلن
جبينة:لا أبوي عبد ولا امي عبدة ..أمشي مع العبيد؟!

وبعد فترة ابن السلطان اتجوز العبدة,وجبينة صارت ترعى الغنم ,صارت الغنم يوم تضعف يوم عن يوم وما حدا عارف ليش,
شك ابن السلطان بأمر الغنمات,قرر انو يراقب جبينة وهيي ترعى,سمعها بترعي وبتعيط وبتغني
يا طيور طايرة ويا وحوش سايرة
قولي لامي وابوي جبينة صارت راعية
ترعى غنم وترعى نوق
وتقيّل تحت الدالية

وبروح ابن السلطان عند جبينة وبفهم منها الحقيقة..
ابن السطان:خير يا جبينة , شو مالك شو القصة؟

بجمع ابن السطان الناس وبقولهم:
“اسمعو يا ناس من يوم ورايح ,جبينة هيي الست بهالقصر وهديك العبدة عالحرق”

وهيك بتجوز ابن السطان جبينة والعبدة بحرقوها , وبعيشو بسبات ونبات وبخلّفوا صبيان وبنات.