ام الفحم: اشتباكات بالتظاهرة التضامنية نصرة للأسرى
تاريخ النشر: 27/06/14 | 21:38
تظاهر المئات من أبناء الجماهير العربية بعد عصر الجمعة تتقدمهم مجموعة من اعضاء الكنيست العرب والقيادات العربية عند مدخل مدينة أم الفحم في يوم الغضب نصرة للأسرى. ويتجمهر في المكان المئات وهم يحملون الاعلام الفلسطينية واللافتات المناصرة للأسرى والمناهضة لسياسة السجون الإسرائيلية ضد أسرى الحرية.
وأفاد مراسل موقع بقجة أن بعض الشبان قاموا برشق الشرطة بالحجارة، فردت الشرطة بإطلاق الغاز المسيل للدموع, ومن ثم حاول المئات من المتظاهرين ان يغلقوا شارع رقم 65 عند مفرق مدينة أم الفحم، خلال القائهم الحجارة باتجاه قوات الشرطة التي تواجدت في المكان، بحيث قامت الشرطة سريعا بإخلاء الشارع من المتظاهرين وتحويلهم الى الشارع الرئيسي داخل ام ام الفحم فيما استمر المتظاهرون برشق الحجارة باتجاه قوات الشرطة.
عممت الناطقة بلسان الشرطة للإعلام العربي، لوبا السمري، بيانا وصلت عنه نسخة الى موقع بقجة جاء فيه:
بالساعة الاخيره من ساعات مساء اليوم الجمعة المبكره ، على شارع رقم 65 , مفترق مدخل ام الفحم وخلال التظاهره الاحتجاجية التضامنية التي تم تنظيمها هناك ، بخصوص قضية الاسرى ، قام بضعة مئات من مشاركيها ، مواطنين عرب ، بالنزول الى عرض الشارع مع سد الحركة امام سير المركبات لبرهات وجيزه اضافة الى رشق الحجاره صوب قوات الشرطة التي قامت بسرعة على اخلاء المتظاهرين صوب الشارع الرئيسي داخلا من المدينة ، وبالتالي متوقفين كدرع فاصل ما بين المتظاهرين الذين واصلو برشق الحجاره اتجاه القوات وبين شارع رقم 65.
وافادت الناطقة بلسان الشرطة لوبا السمري – داخل حدود مدينة ام الفحم ومع تواصل المواجهات وعمليات رشق الحجاره بين الفينة والاخرى من قبل بعضا من مجموعات الشبان المتظاهرين اتجاه قوات الشرطة قامت الاخيره على تفريقهم مع استخدام بعضا من وسائل التفريق التي شملت الغاز المسيل للدموع وقنابل الهلع اضافة الى الاعتقال ، صحيح لهذه المرحلة ، مشتبة واحد بالاخلال بالنظام
هذا وينوه على ان حركة السير والمررر على شارع رقم 65 المحاذي لام الفحم تسير وفقا لنظامها المعتاد
هذا ولاحقا تمت السيطره على الوضع بتوجيهات من قبل قائد الساحل ، اللواء ً حجاي دوتان ً لقوات الشرطة الذين عملو بسرعة وحزم على اعاده حركة المرور في الشارع الرئيسي رقم 65 وفقا لنظامها بموازاه العمل قدر الامكان في الحفاظ على مجريات الحياه الطبيعية بام الفحم
مع التأكيد على العزم بالتصدي لاية محاولات للقيام باعمال عنف او تطورات سلبية ايا كانت بحزم وصرامة او تعريض حياه اي من المواطنين ومستعملي الطرقات للاذى .
النائب الدكتور عفو اغبارية
وصرح عضو الكنيست د. عفو اغبارية النائب عن الجبهة الديمقراطية للسلام والمساواة،: “تم الاعتداء علي كما تم الاعتداء على كل المتظاهرين، لأننا نعتقد أن هذا الأمر كان مبرمجا من قبل الشرطة. اعداد كمية هائلة من أفراد الشرطة في مثل هذه التظاهرة القانونية هو اعداد وتحضير مبيت لضر هذه المظاهرة”.
وتابع اغبارية: “هدف الشرطة هو اخماد أي صوت يعلو ضد تصرفات هذه الحكومة الفاشية سواء كان في الضفة الغربية أو في الداخل، ونحن نطالب الشرطة بالانسحاب من هذه المنطقة، فمظاهرتنا مظاهرة قانونية”.
النائب جمال زحالقة: اسرائيل تشن عدوانا على الضفة
وقال عضو الكنيست د. جمال زحالقة، النائب عن التجمع الوطني الديمقراطي في حديث لمراسل موقع بقجة: “هذا تعبير عن الغضب العارم للممارسات الاسرائيلية في الضفة الغربية وضد أسرانا. اسرائيل تقوم بعدوان في الضفة وتفرض الحصار على مناطق واسعة وتقتحم البيوت وتخرب المكتبات العامة ومكاتب المجتمع المدني، تقتل الناس وتجرح وتعتقل وأيضا تمارس الضغط على أسرانا في السجون من خلال سن قوانين جديدة مثل قانون الاطعام القسري وقوانين مختلفة”
عضو الكنيست د. جمال زحالقة
اعتقال الشاب نمر محاميد ام الفحم
عضو الكنيست د. عفو اغبارية وانائب محمد بركة
اخجلوا على حالكم هذه الأعمال مخزيه
نحن عايشون في هذه الدولة وما الذي يربطنا بأهل الضفه والأسرى
وأريد ان أوجه سؤال لكل المتظاهرين
هل يا ترى أهل الضفه والأسرى اللذين تتظاهرون من أجلهم يحبوكم ويقدروكم فهم يعتبرونا عرب خاءنين
فهؤلاء أعضاء الكنيست اللذين نحن اخترناهم ماذا يفعلون من أجلنا فكل حديثهم ومواجهاتهم لأهل الضفه وكأنهم هم اللذين اختاروهم فاخجلوا على أنفسكم افضل لكم وارضوا في الأمر الواقع أكملوا باقي عمركم في هذه الدولة بأمان وإذا كنتم معنيين بالضفة وأهلها اذهبوا وعيشوا هناك لنرى كيف ستصبح حياتكم ونراكم تبيعون ملاقط الغسيل وتتسولون على مفترقات الطرق وارجوا من بقجه النشر
الى القرعاوي التعليق الاول انت عار على كفرقرع واحنا كلنا فلسطينيه ونشكر اهالي ام الفحم على ما فعلوه واتمنى ان يقوموا بمظاهره في كفرقرع ايضا الاسبوع القادم
يا قرعاوي انا لا ادري ما هو اصلك ومنين اقرباك وشو اسلامك وشو عروبتك وانا بقول احنا اهل فلسطين
اصلي عربي وديني الاسلام … على شو تضامن مع الاسرى اصلاً هم العرب بعرفوا شو معنى دوله ولا ديموقراطية منتم عايشين بالف نعمة هون واحمدو ربكم واعضاء الكنيست العرب بدل ما دورو ع شغايل فارطه وكل واحد عاملي حالوا وطني وشاد ع …. حاله ، اشتغلوا النا للاقليه النا عرب ٤٨ للطلاب المدارس وجامعات للمدارس مش ناقص بلاوي ومشاكل عندنا علشان تطالبوا فيها وتشغلوا حالكم فيها …..
تعليق رقم واحد اخجل واستحي على حالك اهل الضفه و 48 اهل واحد واقارب ونسايب لا يفرقنا حدود انت اطلع من هون وعيش في لخضيره فلسطين تجمعنا وحدود وفسادين وضعفاء نفوس لا يفرقنا
هذا القرعاوي اللي فوق فش حدا يضبه؟
أرجو من بقجة النشر برضه ( عشان حرية الوعي والجهل قصدي النشر)
اول اشي يا ” قرعاوي ” شو قصدك بلسؤال : ” ما الذي يربطنا باهل الضفة والاسرى ” ، شو يعني بدك حدا يحكيلك شو بربطك فيهم ، اول اشي بغض النظر عن انهم اهلنا وابناء وطن واحد بجمعنا الي هوي فلسطين ، في اشي ثاني بربطنا فيهم عروبتنا ، بكفي انهم عرب زينا زيهم والي بصير عليهم بصير علينا ، ثاني اشي مين حكالك انهم بكرهونا وبعتبرونا خائنين !!! اذا انت مفكر هيك بتكون غلطان لو بعتبرونا هيك كان بخلوناش نفوت عندهم كان بعاملوناش احسن معاملة لما نشتري من عندهم او نزور مدن الضفة ! ، ثالث اشي اشي طبيعي اعضاء الكنيست العرب رح يحكو ويدافعو عن الضفة مش همي اهلنا ، وقرايبنا وحبايبنا ! اصلاً لو بصحلهم يصوتو كان صوتولهم قبلنا ، بعدين اعضاء الكنيست بعملو هاذ الاشي عشان نعيش بكرامتنا ونرجع حقوقناا ، مش نضل لاجئين ، عرب ال 48 ، ضفة ، وابصر شو عشان نرجع ايد وحدة بوطن واحد ! م
وليش ما انت تستحي ع حالك وتبطل تحكي هيك حكي ! اذا بدنا نرضى بواقعنا بعمرنا ما رح نتقدم ورح نضل شعب نايم ، وهسا كبرت ع بيعة الملاقط ، وك هلعيشة احسن بمليون مرة من انك تكون مذلول لحدا !
وعفكرة معتقدش انك قرعاوي ، او حتى لو انك قرعاوي بشرفنيش ابن بلد مثلك ! 🙂
الى السيد القرعاوي عند عمليه تبادل الأسرى بصفقه شاليط قررت غزه وطلبت الإفراج عن معتقلين من عرب 48 من عاره وأم الفحم وغيرها لماذا يا سيد قرعاوي ؟؟ لأنهم يهمهم أمرنا ولأننا شعب واحد وان دوله اسرائيل هي التي وضعت الحدود الوهمية كي. يظن أمثالك اننا لينا وطن واحد وأمه واحده اما ان تكون فلسطيني حر وأما ان تنضم الى دوله ستزول مع غياب اول شمس للحريه
كانت تظاهرة صاخبة بس الحمد لله… مرقت عخير
عيب يا سيد قرعاوي الخواجات مشان ثلاث قلبو الدنيا وما قعدوها واحنا ما بطلعنا نتظاهر مشان اسرى المسلمين مظاهره سلميه سواء قدروا الاشي ولا لع. واحنا ما بدنا نخجل عحالنا لانا ما بنساوي اشي بخجل لا احنا جواسيس ولا خاينين القضيه
عيب يا سيد قرعاوي الخواجات مشان ثلاث قلبو الدنيا وما قعدوها واحنا ما بطلعنا نتظاهر مشان اسرى المسلمين مظاهره سلميه سواء قدروا الاشي ولا لع. واحنا ما بدنا نخجل عحالنا لانا ما بنساوي اشي بخجل لا احنا جواسيس ولا خاينين القضيه والعيشه الي عايشينها والاعصاب والتضييقات علينا مش طهمه
لولا اجدادك وجداتك يا قرعاوي وقرارهم بالعودة سنة 1948- لكنت انت لاجئ تبيع الملاقط- انت هنا ليس بشطارة منك!!! ولا تكتمل حرية الانسان الأ بأرضه!!!
راجع تاريخك الشخصي!
يا استاذ قرعاوي ….. اذا انت مش حابب تعترف بعروبيتك هاذا الاشي خاص فيك …… ااحنا حابين نتضامن مع اسرانا البواسل
قال اعطونا واعطونا…!!!
ما هو اخدو كرامتنا وذلّونا
خليها على الله يا زلمة
يا قرعاوي رققم 1 انت بتخزي القاصي والداني وما بتحصل ع شي غير المسبيات
والسفيه بيجيب لاهله المسبه طبعا وهيك اهلك عجبوا لايكات طبعا اكيد
كتله وذله وقله شفقه مين ما كنت كون
تهل كفر قرع من دمك براءه روح للخون وانصاع
المشكله انك كاتب اسمك قرعاوي الي بدي اقوله ان الاخ قرعاوي ما جرب يكون بالسجن ليوم واحد واخوانا الاسرى ضحوا باغلى ما يملكو وهي الحريه فيا اخ قرعاوي يوم بالسجن بفقدك طعم الحياه فما بالك بالاسرى الي ضاعو في غياهب السجون سنين بعيدين عن اهاليهم واقاربهم لا امل لهم بالخروج الا تضحياتنا ومظاهراتنا وهي اقل ما يمكن ان نقدم من اجل الاسرى الشرفاء اخواننا واحبابنا ودعك من انهم اخواننا بالعروبه وانهم مسلمين هم اخواننا بالادميه لهم الحق بالعيش بحريه اللهم فرج كربهم وفك اسرهم امين
كل الاحترام لكم اهلناة في وادي عبارة وفي كل مكان .انت دائما في الصدارة .وخصوصا اعضاء الكنيست .العرب كل الاحترام.لهم.وتهتمو .في بعض اصوات نكرة مابتبين الا ف الظلام متل الحرميه….
للاسف هاي سياسة الدولة ..فرق تسد
افرقونا عن اهل الضفة مع انه عمي هناك وابوي لو شوية ضل عندو
والدولة ما مفضلة علينا بالتامينات وشوية الديموقراطية لانها قبل هيك اخدت اراضينا واراضي سيادنا ومنعت عنا الكرامة والحرية الانسانية واكبر دليل انه العربي بروح عجنب بالمطار واله معاملة ثانية “خاصة” حتى ولو انه ضابط
يا قرعاوي لولا أجدادك الي حاربوا وجاهدوا لكنت لاجئ في إحدى المخيمات وكنت إنت بتبيع مش ملاقط غسيل بس وبلاستر كمان فأحسن إنك تسكت وهذا بدل على إنك بتحب عيشة الذل فروح عيش بتل أبيب ولا أقلك أحسن تروح تعيش بمستوطنة وشوف عيشة الحرية والكرامة الي عندهم كل واحد بحكي هيك بايع دينو وعروبتو وأصلو سهل يشتغل جاسوس أرجو النشر
كل الاحترام للمتظاهرين بس كان اشي ما عجبني وهو ان المتظاهرين اعطو للشرطة فرصة اطلاق الغاز المسيل للدموع
لان الشرطة حضرت بقوات مكثفة وكانت تنتظر اغلاق الشارع او ضرب الحجارة عليها عشان ترد مثل ما ردت
على كل لازم يكون تنظيم اكثر للمظاهرات
الى رقم ״1״ كلامك من ذهب عنجد كلامك برفع الرأس
انا ابن اسير ولك عيب عليكي تحكي هيك ولك احنا فدا فلسطين عيب على شرفك تحكي باسم كفر قرع انتي عار على الوسط العربي واهل فلسطين
استهدوا بالله
اجا شهر الخير والخيرات رمضان كريم وبكفي مناوشات
ما حدا منكم انتبه للشاب الي اعتقلو بتهمة دفاعو عن بلدو
رفعلنا راسنا كل الاحترام يا ريت كل شباب ام الفحم متلك يا بطل