نداء من رئيس وأعضاء المجلس المحلي وائمة المساجد الى اهالي وشباب كفرقرع
تاريخ النشر: 06/07/14 | 0:55
اصدر المحامي حسن محمد عثامنة قبل قليل بيان باسمه وباسم اعضاء المجلس البلدي وممثلي الجمهور وأئمة المستجد يناشد فيه شباب القرية العودة الى بيوتهم وعدم البقاء في مدخل كفرقرع منعا لاي تطورات واحتكاك مع رجال الشرطة المتواجدون منذ ساعات المساء في مدخل كفرقرع وجاء في البيان:
اهالي قريتنا الاعزاء
السلام عليكم ورحمة الله وبركاته
نتوجه اليكم بنداء اخوي اهلنا وشبابنا الاعزاء
اهل هذا البلد الطيب اهله بعدم الاخلال بالنظام العام وعدم التجمهر في مدخل القرية وبضرورة العودة الى البيوت وعدم الانجرار وراء الاشاعات والتحلي بالصبر والهدوء.
كما ونتوجه اليكم اهلنا الاعزاء بضرورة توعية ابنائكم وضرورة تهدئتهم، وعدم السماح لهم بالتجمهر في مدخل القرية لان الشرطة تهدد بانها ستقوم بحملة اعتقالات ومداهمة للقرية، ونحن بغنى عن كل ذلك.
لنعمل ونحافظ على كفرقرع واحدة آمنة ومطمئنة ومستقرة.
احترم رئيس المجلس لمناضلته في هذا البلد الطيب
فش مجال للعودة للبيوت في مثل هاي الظروف وفي هيك ايام! واجبنا ننزل ع الشارع، واجبنا نقاوم وننتفض! واجبنا ما نسمح ولا بأي ثمن لهاد الغضب يهدا! لازم نستثمرة لمصلحة شعبنا الفلسطيني ولمصلحة اولادنا واهالينا ولمصلحة اراضينا وكياننا وتواجدنا باحترام في هاي البلاد!! فش محل ابداً للهدوء!
طبعاً احنا منحبش الاعتقالات، بس اذا هاد هو الثمن الي بدنا ندفعه عشان نوصّل موقفنا، ف مننزل ع الشارع ومنتظاهر ولما الشرطة العنصريّة بتيجي تستفّز وبتعتقل من أجل التخوييف احنا منكمل ومنخَفش ومنصمد ومنناضل عشان شعبنا!
هاي قضية كل حدا فينا.. الاعتداءات من قبل الصهاينة ممكن تمسّ اي حدا فينا، انا وانت وجارك وكل حدا من كفر قرع وغيرها!
معك حق بكل كلمه
بختصار انتي وشكالك بايعن البلد
الله يزيدك غيري يا ررررررررررر اكتب اسمك ولا اسف مبين انك جاهل وبجوز بتعرفش تكتبو
.انا بطلب من رؤساء المجالس ان يدلوا باستنكار لما يفعله المستوطنون من عنف ضد المواطنين العرب وما يقفوا ضدهم
شو مالو الرئيس حسن عثامنة
كل الاحترام، هذا الكلام المزبوط… الرجاء القيام بالمظاهرات بصورة سلمية ومش همجية..
اوف
شكل ه الرئيس بخاف من خيالو ليش هالقد شدد ع حالو ولكم الي صار مع الولد يمكن يصير معنا كل واحد يفكر ب ابنو ويتخايل كيف الولد تعذب بالنار حرام عليكم وين الضمير والنخوه ولك لو بدهم يهدو البلد ما بهمنا المهم الكرامه ونفدي بلدنا بدمنا قال منحكي عن حكام العرب ماهو في عنا زيهم
هههههههه اذا الرئيس بخاف معناها عالدنيا السلام
ليش بايعين البلد اللي كتب التعليق يظب حالو احسلوا لانو خائف على ولاد بلدو صار بايع البلد شو أجاكم من الهمجية اللي عملتوها كم واحد اعتقل الليلة كل واحد منا عندو وطنية وانتماء لفلسطين وأثر فيه الللي صار بمحمد خضير بس مش هيك المظاهرة والغضب في حرق عجال وتخريب بلبلد شو المانع انو تكون مظاهرة سلمية بعيدة عن الهمجية وبتعبر عن غضبنا وسخطنا من سياسة الدولة
وينك يا يارا ؟ ما شفناك نزلت وتظاهرتي!!!
المشكلة 90% من الي نازلين اول البلد يناضلو رايحين من الزهق ولا بدرو شو الطبخة !!!
ممنوع منعا بتان دخول اليهود الى البلد نطلب من الرئيس مقطعة اليهود
ست يارا كنت بدي اشوفك في اعمال الشغب والهمجنه انت واهلك في طرق سلميه وراقيه للتعبير مش حرق وتسكير شوارع
العنف يولد العنف الصبر شوي ساوى مظهرات بس بلاش العنف هيك بس بتخربو البلد
أظن انه “المظاهرات ” هي استنكار لأعمال تخريب المستوطنين ودخولهم الى البلدات العربية وإالحاق الأضرار بالممتلكات والسكان ! معناها اذا منشوف شو الأعمال اللي بتصيرمنلقى انه الشباب بدل ما يحرسوا ويحافظوا على ممتلكاتهم وأهلهم بخربوا أكثر ! لهذا السبب كان في ضرورة لهذا المنشور ! وضرورة لإنه ينزل رئيس المجلس والأئمة للشارع عشان توعية الناس !
الى عطاف مش شايف انو تعليقك بايخ اشو النضال اللي عملو الرئيس ؟
النزول الى الشارع حق مشروع وارجو من روؤساء مجالسنا ان يسالو انفسهم لماذا هذا الشباب ينزل وينتفض قهر ذل لا مسكن ولا عمل ولا بريق امل ارجو من روؤساء مجالسنا ان يدركوا ذلك
احلی رايس ولله
موقف شجاع وصحيح الا الامام عمي
يا جماعه تحلو بالصبر خلينا الاحسن احتراما للاهل مش اكثر ,.
هاي شباب متحمسه وعندها فراغ ولقيت شغله تعملها وشايفه انها الصح ومناسبه ، فقضيه قتل الطفل المقدسي كثير صعبه ، وطبيعي انه هالشباب تثور ، اما مع احترامي لرئيس المجلس فوقفته هاي لا تكفي ابدا ،
عليه ان يستثمر بالرياضه وبامور تفيد وتوعي هالشباب ،
مع كل احترامي لرئيس المجلس المحلي تمنعون المظاهرات القائمه ضد العنف اذن فما رأيكم بقتل وحرق الشهيد محمد ابو خضير وما رأيكم بما يفعله المستوطنون من اعتداءات في كل البلدات العربيه اجيبونا يرحمكم الله
بدكم إياهم يضربونا ومنقلش اخ وإن قلنا أخ منطلع احنا الغلطانين ولكم روحوا شوفوا شو بيعمل الاحتلال بالاقصى شو رايكم لح هون مش راح نسكت
اذا إحنا ما وقفنا ولو وقفة نعبر فيها عن انتمائنا للوطن مين بدو يوقف ؟ يعني إحنا من ألمانيا وهم فلسطينية ؟ نحن على نفس الأرض وهاي كلها فلسطين
لازم ننزل وتتظاهر شوي لضميرنا بس ووطنيتنا وهي لازمها انتفاضة منا بالأول ومن كل مكان لان الوضع صار صعب كتير هذول إخوتنا اللي بنقتلو هذا كله ضد الإسلام
وبلاها العلاقات والشغل مع اليهود والله الكرامة أهم من كل شي وواحد أسير بكرامته أحسن من ١٠٠ بتشغلو عند أو مع يهود وبلاها اللقمة المغمسة بالعنصرية والاحتلال الله المدبر والرزاق
شكلك يا rrrrrrr انتي الي بايع البلد
يجب علينا كمجتمع عربي ان نقاطعهم اقتصاديا وخاصه في هذه الايام وفترة العيد.
ابتداءا من خلال مقاطعة المراكز التجاريه حولنا مثل بردس حنه.جان شموئل والعفوله…
وحتى تشمل الرحلات في العيد…
وبهذا السلاح يمكن ان تالمهم اكتر.
الجيبه بتوجعهم اكتر من المظاهرات……
ونحن والحمد لله لدينا اكتفاء ذاتي في كل المجالات…
مبادره حلو من الرئيس كل الاحترام …لانه اكيد المشكله بتنحلش بحرق عجال ومواجهات مع الشرطه …المظاهرات لازم تكون منظمه ومحترمه مش همجنه وقايمه .
الي كان امس بمدخل البلد مش مظاهرات او تعبير عن الراي الي صار انو ثلة من الشباب الصايعه والي ما بعرفوا الدين والوطنيه قاموا بحرق اطارات ورمي الحجاره واعاقة سير اهل البلد لوثوا البيئه ووسخوا على حالهم وعلى اهل البلد وبنفس الوقت كان حريق هائل بالمقبره نتيجة سقوط منطاد ورقي يعني كلو تخريب بتخريب واذا هالقد في عندقم وطنيه وغيره على الي صار مع الفتى المقدسي اعملوا زيو على الاقل وروحوا صلوا وصوموا وبلاش تقليد اعمى لليهود ولباسهم وتصرفاتهم وبلاش همجنه بالسيارات مع الصوت العالي للاغاني العبريه او حلقات شعر منحرفه …واذا غيرنا من تصرفاتنا ورجعنا لعاداتنا ودينا ولباسنا ومعاملاتنا التجاريه مع بعضنا هيك احنا بنقهر كل اعدائنا
يا جماعة تنسىش في كثير منافذ للبلد يعني مش بس المدخل الرئيسي طيب شو مع طريق الجيش والمداخل الثانيه للبلد؟؟
بعد ما خلصو حرق عجال وهمجيه راحو يشترو من عند اليهود وين الوطنيه ؟ قاطعوهم في المشتريات وما تتعاملو معهم الا للضروره وشفو النتائج مش بالهمجنه والدعايات الكذابه
كل احترام لكل من ساهم في تهدئة الوضيع لنو كلهم اولادنا عشان هيك اذا بتحب تجاهد لا تقطع الصلاه وجديد ايمانك مع الله واكثر الصلاه في مسجد الاقص ودعاء بان يزلزل الارض تحت اقدام اليهود والكل عارف اذا مسكو انسان غير النقود الي راح يدفعها والصعب انهم بشغلوهم معهم خاليكم اوعه من هيك اذا حدا اعتدا عليكم اعتدو عليه حق كل انسان ان يدفع عن وطنه وعن حياته ولكن بعقل ساليم بدون ما يتأذه شكراً يا اولادي من ام تخاف عليكم
اصلا يلي كتب نقاطع اليهود فالامر صعب لانه عندهم بنعمل الهويه وهاظ الجيل ملان بعملو هويات هذا عدا عن المستشفيات وانا ارى الشباب الهمجيين هم جهال حمقى بكو يحطمو سيارات ملهاش ذنب ثاني اشي الي الي الغبي هو الي بحب وطنه اكثر من دينه وهاظ الاشي بنطبق عليهم همي بحبوش وطنهم بس لاظهار قوتهم يا جماعه النصر لا ياتي الا من عند الله فمهما فعلتم لن يجدي فالخربين لا يصلون ولا يصومون وغير مقربين من الله ويريدون الدفاع عن وطنهم يا للسخافه
يا جماعة الخير انا فاهم موقفكم وغضبكم بس خلي في قلوبكم الغضب ومن الخارج الهدوء الهدوء ضروري عشان نفكر اذا اتصرفنا مش بعقل كلنا منغوت السجن انا مع الرئيس لاخر يوم بحياتي بظلني بحترمك وبحبك يا رب اتظل دائما رئيس وانا معاك بكل كلمة