سلسلة بشرية لدعم السلام عند مفرق كفرقرع
تاريخ النشر: 11/07/14 | 18:37
ضمن سلسلة نشاطات داعمة للسلام في منطقة وادي عارة وللأسبوع الثاني على التوالي شارك عصر اليوم الجمعة العشرات من النشطاء العرب واليهود من منطقة وادي عارة بالسلسلة البشرية لمناهضة العنف ولدعم المحبة بين ابناء المنطقة العرب واليهود.
وتأتي هذه الوقفة بمبادرة من أسرة مدرسة جسر على الوادي في كفرقرع وبالتعاون مع جمعية “من اجلك” والدائرة الجماهيرية في “جمعية يد بيد ” وجمعية النسيج الأخضر حيث ترابط الجميع باللباس الأبيض على امتداد شارع وادي عارة الرئيسي قبالة كفرقرع , ورفعوا اللافتات الداعية للسلام ولإستمرار الترابط بين الجيران العرب واليهود بالمنطقة مطالبين بالعمل الجاد لنبذ العنصرية والعمل على نشر روح التسامح والجيرة الحسنة بين العرب واليهود .
كل احترام
ولكم اي احترام !!! شعبنا قاعد بنقتل وانتو مش مهتمين غير بحالكم ؟؟ والله مسخرة هاي عيب عليكم هذول الي بتقولو عنهم كل الاحترام بقتلو اطفال غزة ونساء ورجال احنا بدناش سلام مع الصهاينة الخونة راجعو حالكم شوي
بلا مسخرة عاد … شعبنا بتقتل قاعد وانتو عاملين فيها محبين للسلام وتعايش … شوفو شو بصير فينا بمحلات شغل … بدل ما توقفو اول كفرقرع روحو وقفو (בביג פרדס חנה ) قبال الي بطالبو بقتل العرب … جد بلا مسخرة روحو شوفو شو بصير بغزة من قصف للبنايات والبيوت على رؤس كبارها وشبابها واطفالها … ولكم اتقو الله استحو استحو استحو … حسبي الله ونعم الوكيل عليكم …
كل الاحترام
لكناعنة وكفر قرع…
لو تعطيكم دولة اسرائيل ان تعيشو بدولة عربية اي تحت حكم عربي تقبلون الذهاب؟؟ ليش نضحك على حالنا فمل الاحترام والاستمرار في هذه النشاطات ونعم للسلم والمحبة
احنا بنقول كل الاحترام للي بدو السلام لانو احنا الاسلام من السلام بشجع السلام ليش لع ليش تا نسب على الفئه الي بتشجع السلام انا ما قلت كل احترام للي بحاربو فينا فكل واحد حر برأيه واحسن يدير باله عكلماته
فعلاً الخلفية في الصورة التاسعة معبرة ولها أبعاد كثيرة وتشهد على واقعنا وتاريخنا الماضي والذكريات المريرة….سلام اه سلام !!!!؟؟؟؟ طيب منيح.
ليش بتنشوروش الي بكتبو
تعليقي لباسل وغيرو …. تقعدش تلف ودور وتصير تقلي لونك تحت حكم عربي ومش عربي … انا موجود وعايش مش تحت حكم عربي ولا غيرة ولا رح ييجي يوم اني عيش تحت اي حكم … المقصود من هذه الوقفة بين العرب واليهود …. ألا وهي تغطية لرئيس المجلس واعضائه وأئمة المساجد من احداث التي حدثت بأول مظاهرة بمدخل القرية … ( خافو على الوردات المزروعات جداد ) خافو على نظافة البلد من الأوساخ ومن أعمال حرق الإطارات وإلقاء الحجارة … لا يهمهم ما يحدث مع اخواننا في غزة من دمار شامل للبنايات واستشهاد للشيوخ والنساء والأطفال لا ذنب لهم .. زيهم زي غيرهم بالمجالس كل واحد خايف على ردت فعل مستشار الحكومة ضده ..للأسف هاي حالنا وحال مجالسنا كلشي من فوق جايهم بدكم تنقطع عنهم السيول … بعيدوش بعدينننن … حسبي الله ونعم الوكيل عليكم … قمة العار للبلدان والمجالس العربية …
ولو شو يا واحد من كفرقرع انا مع حكي الأخ مؤنس بدحي معو حق
للأخت القرعاوية .. انا اول شيء بحكي واقع مرير … الإيشي الي احنا عايشينو انا مجبتوش من الغرب او الشرق … هدول الي بتحكي عنهم داعمين للتعايش والسلام … هدول بتشوفيهن بكل مكان .. اما كان فرح او طرح … هدول معاكم معاكم وبعد نص سيعة عليكم عليكم …هدول تعالي شفيهم كل يوم سبت في البلد مرى معزومين هون ومرى هون … هذا شعب بتأمنش دقيقة وحده … بعدين المشكلة الأساسية القائمين على هذه الوقفة … لأنهم قبل اسبوع عارضو كل هذه التظاهرات … لم يعطو اهل بلدنا حق قول كلمتهم او تعبير ما بداخلهم … اهل بلدنا كعقاب منهم ومن تصرفات الآخرين لم يشتركوا بالمظاهرة التي كانت قبل اكمن يوم … ميشان يوروا الي قائمين على هذه المظاهرة … بان تصرفاتهم غير مقبولة .. وان آرائهم لا تمثل اي شرعية لأي شخص كان من ابناء بلدنا ..
انا بدي جواب ليش ما بتنشروا تعليقي ما السبب شكرا
والله الحمدلله عكلشي وكلشي كاتبو ربنا بصير بس كل الاحترام انهم واقفين بدهم سلام