وقفة تضامن مع غزة وأجواء متوترة مدخل كفرقرع
تاريخ النشر: 16/07/14 | 18:00
بدعوة من الحركات الشبابية الوطنية, يشارك هذه الأثناء عند مدخل قرية كفرقرع العشرات من الشبيبة والأهالي بالوقفة التضامنية مع غزة وأهاليها حيث يشهد المكان توتراً عالياً ملحوظاً أثر تواجد قوات مكثفة من الشرطة بالمكان والتي حضرت باَليات خاصة لتفريق المتظهرين .
وقد رفع المتظاهرون الأعلام الفلسطينية واللافتات المنددة بالعدوان على غزة مطالبين بوقف العدوان عن غزة وأهاليها .
كل احترام الكم شباب الله يقويكم
ولا واحد فوق ال 18 !؟ وين اهل البلد يا جماعة هدول كلهم ولاد وبنات مدارس
عنجد بكا اشي ايجنن و بتمنى انكم تيجو يوم الجمعة على حيفا
المفروض كانت مظاهرة ع الشارع بس البوليس كان بالمرصاد
كلهوم اكمن واحد هاي مظاهره
طلعو كلهوم بلعبو بتلفونات
البوليس الي بكا عدد كبير كثير فكرتا بدهوم يحتلو البلد
ههههه عنجد بنعدو ع الاصابع بلعبو بتلفونات ولي بتفصحن وبتتفصحن صح انه كل الاحترام انهم كانو هاديين وماعملو مشغبات بس بكا لازم العدد يكون اكنر من هيك وين كفر قرع
اخر واحد بالتعليق حلوي ضحكتني
كل الاحترام للشباب والصبايا . شو دخل اللباس في الموضوع كل واحد حر في حاله وبعمروا ما كان ولا رح يكون اللباس مقياس للبني أدم كثير ناس متخبية تحت ملابسها فيا ريت بنص شهر رمضان نحافظ على لسناتنا واذا ما عجبكش اللباس غض النظر بلاش تبحلق وتعلق هون ع موضوع ما إلو أي دخل في اللباس .
في ناس هون. أهلهم. بيقبضو معاشهم من الكيان الصهيوني. قبل ما بنزلو على الشارع. ما يؤخذوا مصاري من الصهاينة
انت يا ابو الكنيست كلنا بنقبض معاشنا من ولاد عمنا لأيش هالفلسفات يعني انت بتوخذ راتبك من وين ؟ من الضفة مثلا ؟؟
انا مش عارفه ليش ما نشرتوا تعليقي؟؟ اه لبس البنات بخزي ومش ملائم لهيك موقف والا اليوم ممنوع الواحد يقول رأيه !! في حريه تعبير زي ما في حرية لبس!! اشي بقهر بطل في حياء ( بعرف مش رح تنشروا بس بدي اسمعكم هاذا الحكي )