كنا صغار
تاريخ النشر: 15/03/12 | 6:37
بذكر لمّا كنّا صغارْ
الدنيا كمشة بايدينا
نسهر و نقطّف أقمار
بيوعى هالصبح علينا
نشمشم ونلملم أخبار
الدوري وأشحار الكينا
العش الّي عصافيرو صغار
بيسرق منّا عينينا
بيوما كانوا بأرض الدّار
يلمّوا الضيعة وسنينا
حنطة وخبزات وهالنارْ
تلعلع و تحَرْوِِق فينا
ولمّا كبرنا وجسمي طارْ
غبنا كتير وماجينا
ما بعرف شو يلّي صار
فَرْقِت هالضّيعة علينا
خبّرني مرّة ختيار
عارك هالأرض وطينا
عن لصْ ومجرمْ غدّار
سرق من النّاس جبينا
الأمْ بيخطفلا أزهارْ
الأمّة بياخدلا دينا
وشوشني وقلّي السمسار
خرّب أرض الحضارة .
هذا الشعر اللّي يجنّن
الصّبي قبل الخِتْيار
تسلم يا أخي خالد
على الفن وعالأشعار
بَعرف إنّك مِتْمَكّن
وإنت شاعر من لِكْبار
هذا القوا الّلي يْحَنّن
قْلوب الّلي مثل لِحْجار
ظَلّك هيكي مِتْفَنّن
وخَلّي خُبْزَك على النار
كلمات عذبه وسلسه وحقا ان الدنيا باعين الصغار كمشه وهذه مدى البراءه العذبه لكن اكثر ما لا افضله من الشاعر عندما يكرر كلمه او تعبير استعمله من قبل خاصه اذا كانت الابيات لا تكرار فيها مثل كلمه صغار في العش الي عصافيرو صغار يمكن نستبدلها مثلا ب العش الي عصافيرو كنار ارجو تقبل ملاحظتي