من غابتنا طلع الصوت

صوت بْيِهتف وينادي:
غابتنا كانت جنة وعِلْيَت فوق
تْربّي بنين … تربي بنات
فجأة فينا انقلب الحال…
يومِ الفار حَرَسِ الجبنات
نْسيتو شو قالو الاجداد
وشو قالت لينا الجدّات!
قالو:
عَلْجِبْنِه لا تْأَمِّنْ فــــار…
ولا ذيب مع الغنمات
يا اهل الغابة فِزّو اصحو
فاركم باع الذمّه والاخلاق
وقاعد بوكِـــــــل بالجِبـْنـــــــــــــــــــــات

واللّي زاد الطين بَلِّـــــه…
اجا لْغاتنا غريب
ثعلب مكّار ومُريب
عِمِلِ الغابِه عِزْبِتَ ابوه
مِنها يْلَمْلِم غَنايــــــــــــــِـــــم…
يسرح ويمرح في غابتنا
والكلّ عنّو نايــــِـــــــــــــــــــــــــــــــــــم
جاب اختو … جاب اخوه
والقريب قبل الغريب…
وِحْنا ياحسرة علينا
ما في إِشي في ايدينا

يَلاّ اصحو يا نيـــــــــــــــــــــــــــــــــام
الثعلب والفر الْتَمّو…
وصْغارنا قَرّبو ينجنو

تحسين زحالقة