أبو العرّيف: الحمد لله ..الأعياد كثرت
تاريخ النشر: 17/05/12 | 0:05
عيد الفطر…عيد الأضحى….الاسراء والمعراج…المولد النبوي الشريف ..!!! ثم …عيد الام…عيد الحب…وعيد العائلة..!! بس اهم عيد هو عيد أعضاء الكنيست العرب .!!! عيد بحضروله من السنة للسنة واسمه يوم الارض..أو حتى يوم "النكبة" !!
وين الكاميرات …؟؟وين الفضائيات..؟؟ ووين المواقع الالكترونية ؟؟ فاعضائنا بنطوا من كاميرا لكاميرا …من فضائية لفضائية ومن موقع لموقع بس المصيبة الكبيرة اذا كانت المسيرة طويلة وفي عدة مسيرات بنفس الوقت !! كلهم بزعلوا وببلشوا يطلقوا الشعارات من تحت اباطهم…!! إنقسام… !! بصرش إنغلّب الناس !! نروح عالمظاهرة والمسيرة بالجليل ولاّ نروح عالنقب ؟؟ وين أسخن الوضع ..؟؟ هون بتصير المقامرة للأعضاء…شمال أم جنوب؟؟ ووين في أكثر صحافة وكاميرات؟؟ وهون بدّخلوا المستشارين الإعلاميين والمساعدين البرلمانيين عشان يقامروا جنوب ولا شمال …!! ما هم بستنوا هذا اليوم على نار عشان الكل يظهر قدراته وطاقاته قدام جماعته…! انو بخطب أحسن..!!! انو بشعللها..!! انو بحميها..!! وبتبدأ المظاهرة وبتنتهي وبعدها بدهم يروحوا على مطعم "مليح وقويّس ورخيص وابن ناس "..عشان يتريّحوا ويوكلوا وينقحوا الوضع …!! والأهم انه صاحب المطعم ميوخدش مصاري لانهم فقراء ومعاشهم يا حرام …بس 36000 شاقل بالشهر..!!! ووقت الاكل بنسوا الناس والارض وبصيروا يحكوا عن الحمص والسلطات واللحمة…!! وفي اَخر النهار..الكل بروّح عشان يتابع ويشوف حصيلة تعب هاليوم على التلفزيون ومواقع النت …!! وأبو العرّيف بقول دايماً " رزق التيوس عالمجانين"….!!! صحتين للأعضاء وكل يوم مظاهرة وانتو بخير…واستنوا تا تصير "مصيبة" جديدة عشان تدشعوا عالكاميرات ونشوفكم في التلفزيونات …مهاي شغلتكم وعشان هيك بنصوتلكم …!!! ويعطيكم العافية…بتتعبوا كثير…!!! أخوكم ابو العرّيف…
هذا الكلام لا يشمل عضو الكنيست احمد طيبي..
بحيي كاتب هذا الموضوع… هذه الحقيقه والحقيقه مره لبعض الناس”اعضاء الكنيست “وغيرها… كل الاحترام… كل الاحترام لك على هذا الموضوع عسى ولا بدّ ان يستوعب الناس كلامك ويفهموه ,وشكرا…….
موافق معك بكل كلمة كتبتها, ولكن استثني عضو الكنيست احمد طيبي
فلا بد من بديل . اقترح وبادر لنشاط بديل نشاركك
انت عارف وانا عارف يا ابو العريف انو الكل بيعرف هلمعرفه
انو عربنا وزعامتنا شعارهم سنعمل وسنعمل وس س س س سلو سلوى سلتني
أبداُ ،، عضو الكنيست أحمد طيبي عضو يشمله ويصفه هذا المقال.
الممثلون لنا في الكنيست الاسرائليه !!! ولا في القنوات التلفزيونيه!!؟؟ وجودهم وقلتهم واحد…لهاذا السبب يجب ان لا نعطيهم الاهميه (شكر خاص جدا لموفاز)لانه اعطاهم كمان سنه ونصف في الكنيست…والا كان راحوا بين التيرس(الذره)