فرفش معنا…
تاريخ النشر: 06/08/12 | 11:48
– قطة دخلت الحلاق ليييش؟ شافت الباب مفتوح
– فرخة معلقة صورة بيضة ليش؟ صورتها وهي صغيرة
– في مذيعة بتسأل واحد اسمك ايه؟ قال لها ما في اختيارات؟
– ليش الزرافة رقبتها طويـــــلة؟ لأنه رأسها بعيــد 🙂
– في واحد معتوه قالوله التدخين يؤدي الى الموت البطيئ ، قال انا أساساً مش مستعجل
– دكتور بسأل بمسطول … بطلع معك الضغط؟ قال له مرات بطلع معي مرات بطلع بتاكسي….
– واحد فات على غرفة كلها حشاشين قال حرام عليكم قالوله وعليكم الحرام
– في واحد سمّى ابنه على اسم ابوه …. بابا
– قال المعلم للتلاميذ: انتم آمال الغد! أنتم مصابيح المستقبل.
نظر احد الطلاب الى زميله فوجده مستغرقاً بالنوم وقال للاستاذ:
لقد احترق المصباح الذي بجانبي يا استاذ.
حلووووووو
*الأب مخاطب الابن : تعال وله
الابن و بكل براءة : نعم
الأب :نعامة ترفصك … تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ….رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله … لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟
الأب: اما انك قليل حيا …وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ….حكيتلك اخرس
الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا…احكي وله … مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله … قلتلك تأدب وانت بتحكي مع ابوك
الأب : ايش “بتشوفوني غلط” هاي … شايفنا عميان ولا حول ؟
الابن : لا اله الا الله
الأم : الله يوخذك انشالله …. يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه…دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله … يا الله … يا جماعه شو مالكوا … شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت…. نساني شو كنت بدي منه هالكلب
الاب : خلص روح ارجع على غرفتك يابا
🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂
*يقول لك كان فيه واحد شامي عنده سوبر ماركت شغال على ما يرام وكان
عنده جار سعودي قام السعودي وقال له أنا أبي أشتري السوبر ماركت منك وقال الشامي موافق واشتراه السعودي ومن يومها وقف شغل السوبر ماركت وما صار فيه زباين رجع السعودي سأل الشامي قال له الشامي هاي بسيطه أنا راح أفرجيك اسلوب الشغل وكيف تكسب الزباين دخلت بنت أمورة وسألت عن الشوكولاته وقال لها الشامي مو معقول حلوه وبدها حلو اشترت بدل الواحد ثنتين دخلت وحدة ثانية تبي تفاحة قال لها مو معقول تفاحة وتسأل عن التفاح!!! ا اشترت كرتون كامل قال الشامي للسعودي الحين عرفت يالله انت دورك المرّة الجاية فرجيني شطارتك دخلت وحدة متينة (سمينه) كثير تسأل عن الحليب قال السعودي : مو معقولة أبدا , بقرة وتسأل عن الحليب ؟؟؟؟؟؟؟
🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂 🙂
أردني راح يشتغل شوفير تكسي في الصين كل مايأشر له واحد يقول له : ما أنا هسه نزلتك .
* * * * * *
أردني اهدته صاحبيته ببغاء… واتصلت تسأله ايش رايك بالهديه ؟؟ قال عادي زي طعم الجاج.
* * * * * *
واحد بدو يتعرف على وحده، سألها شو إسمك ياحلوه؟
قالت: اسمي تلقاه بالحدايق بين الزهور !؟
…..قالها : بربيش؟؟؟
**********
مرة واحد راح يتحدى اليابانيين في الصناعة
رجعوه في كرتون مع كتلوج و ريموت وضمان سنة
شلة أغبيا راحوا على صاحبهم في المستشفى، بيسألوه: خير شو صاير؟ فقلهم: لا ولاشي، بس الوالد شوي متوفي.:) 🙂 🙂 🙂 🙂 🙂 🙂 🙂
مرة ضابط بيخطب بالجند، وقال لهم: الأقوياء يروحو عاليمين، والأذكياء يروحوا على اليسار. كلهم انقسموا الا
طفيلي. قال له الضابط :” شو مالك ..؟ ما تتحرك”. قال الطفيلي : شو يعني بدك اياني اشق حالي نصين.
*********************************
وحدة زوجها سافر واتأخر، قالت لامها: اخاف يكون تزوج؟ قالت تفائلي خير، يمكن يكون عمل حادث!
************************************************
سألو بنت -يااي دلوعة- شو يعني (عزا)
حكت:بارتي حزين بيوزعوا فيه قهوة دايت