عشرات المناطيد تضيء سماء قرية معاوية
تاريخ النشر: 18/08/12 | 3:00
بأجواء احتفالية بهيجة معبقة بالفرح والأمل احتضنت قرية معاوية مساء اليوم الخميس الفعالية الاحتفالية “اطلاق المناطيد في سماء معاوية” بحضور جمهور غفير من أهالي القرية كباراً وصغاراً, حيث قاموا بالاتفاق على التجمهر في تمام الساعة العاشرة من مساء اليوم في الحارة الشرقية للقرية وإطلاق اكبر عدد من المناطيد في سماء القرية.
وفي حديث لمراسلنا مع صاحبة الفكرة ومركزة المشروع ميسم حردان قالت: “بداية الفكرة والتخطيط انطلق عبر الفيسبوك، حيث قمنا بفتح صفحة أسميناها “يوم مناطيد طائرة في معاوية ” وبدأنا بدعوة جميع اهالي القرية كباراً وصغاراً لإنجاح هذا اليوم والحمد لله فقد كانت ليلة جميلة جداً أضاءت سماء القرية. وبودي أن انتهز الفرصة لأشكر كل من ساهم بإنجاح المشروع ولكل من حضر لإطلاق المناطيد أو للمشاهدة، فحضوركم نورنّا أكثر”.
وعلم مراسلنا ان نفس الفكرة يتداولها شبيبة كفرقرع عبر الفيسبوك مع دعوة الاهالي واطفالهم للمشاركة بإطلاق المناطيد وذلك في تمام الساعة العاشرة من مساء الجمعة في ساحة البيادر وسط كفرقرع .
الله يعطيكم الف عافية كان اشي حلو
حلو كثييير هاي عند دار خالي 🙂
منور الشاشه يا احلى خال بالعالم .
ومنوره يا ميسم
مبارك نجاح الفكرة, وكل عام وانتم بالف خير.
ترقبوا فعاليات حاره المحاميد ….اشي بجنن …وراح نقوم بدعوه المصور (ابو البراء) علشان يزبط الصور…..
اشي بجنن شكرًا أنا كنت هناك وكان الأشي كتير مزبط شكرًا ميسم
الفكرة بتجنن كل اهل معاوية , اغيارية ومحاميد اشتركوا فيها بدون حساسيات
ولبنت المحاميد كلنا اهل بلد وحدة وفيش تفرقة عنا
احكوا وينتا مشان نيجي معكم ونشارك بفرحتكم لانها فرحة الكل
كل عاو والجميع بخير
يا بنت المحاميد منذ متى نفرق بين العائلات ….ارجو ان تتعلمي الايجابيات لا السلبيات …ثم انه ابو البراء مش تحت امرك انت وغيرك …حتى تتعلمي كيف تحكي …..لتركي هذه الحساسيات ببيتكم احسن وبلاش منها
يعطيكم ألف عافية لكل شخص ساهم بإنجاح اليوم…
الفكرة والحمدلله مكنتش رح تنجح وبأمتياز بدون مساعدة أهل هالبلد وناسها وكبارها وبمساعدة الشبيبية كلها… ان شاء الله السنين الجاي بكون النا مشاريع اجمل واحلى وبتضلها البسمة على وجوه الكل…
شكرا لأهل هالبلد, شباب, صبايا, أطفال وعائلات وللي ساهم بانجاح المشروع وجودكم نورنا وغدرنا والحمدلله نضيء سماء معاوية…
بنت المحاميد عزيزتي ولا بعمرها كان في تفرقة بين ابن المحاميد او ابن الاغبارية.. لان كلنا بشر والمشروع نعمل خصيصا عشان اذا في اي حاجز بين اي حدا نكسرو ونكون ايد وحدة ونساهم عشان نخلي كل طفل,شب,صبية,رجال ونساء ينبسطوا ويضحكوا ويفرحوا… وحابب اقولك لو نورتينا بوجودك كان حسيتي بشعور الفرح وكلنا بشر مش عائلية… وحابب اقولك بتمنى نعرف وينتا واي وقت في فعاليات عشان نكون موجودين ونشارك بالفرحة لانَ ولاد بلد واحد… 🙂
وشكرا للتعقيبات الحلوة :)… وكل عام وانتم بألف خيير… ينعاد عالجميع بالصحة والعافية وهداة البال ومشاريع حلوة 🙂
بنت المحاميد !!
خيتا احنا فش عنا تفرقة بين حدا واذا في عندك اي حكي زايد فخلي لالك 😀
واعملوا انو ماسكم يعني !
تعيش عشيرة ابو علو
يوم حلو والفعالية كانت حلوة كثير ومميزة
عنجد انها ردود الفعل هبل….مين قلك اني بقصد التفرقه… والشاطر الي صار يتفصحن …انا لقبي بنت المحاميد يالتعليقلت بكل المواقع…وبالاخص الشاعر قاسم محاميد ما كنت متوقعه منك هيك رد…انا ما عندي تفرقه بين فلان وعلان …وبالنسبه لابو البراء انا قصدت علشان يزبط الصور …وهاذا راي (حريه الراي)مش لانه تحت امري..يلا ..تشاو.
والله كان يوم كثير حلو وممتع ان شاء الله كل سنة هيك منعمل لانو كان يوم بجد حلو وشكرا ميسم