حُب

هَلْوسة شعر: سيمون عيلوطي

حُب

يا حُب طلّ بْالهمسا

عن درْبْنا لا تْحِل

لولاك كُنّا من الأسى

غِبنا مِثِل شي ظل

وحدْك صفانا يا هَوى

يَ عْطور زهْر الفل

يَ نْجوم شعّت بالَقلِب

في ليل بكّى الكل….

لا تغيب عنّا يا وفا

منذوب لو بِتْفل..!!

****

جنون

مشتاق تِرجع لهفِتِك

للشّعْر

وِتْهيمي هيكي بْكِلْمِتي

تْسوحي كإنها سِحْر…،

وْتْصيري مِثْل النّرجسِه

تْفوحي بِحوضي عِطْر..،

آجي بِلحظِة هَلْوسِه

في ليلِه ما فيها رِسي

نور القمر… وِنْفِر..!!

****

لهفة

كُنتي تيجي شْوَيْ

كل شْوَيْ

ما تهدي إلا أعْبُتِطك بْأدَيْ

وْمرّه لمّا غبْت شي جُمعة

للعدرا صرتي تْولْعي شمعة

وِتْنادي بالحارات…

إرجع لَيْ..!!

****

عَبْسِه

محتاره إيدي مْنين

بدها تلمِسِك

زَهْرِ القُرُنْفل انتي

يا حَبّة مسِك..،

بُعدي عنّك…

كان نار تْلَهلبِك

شو اللي جرى…

تا غيّبت هَالعبْسِه

شِفّة بسمتِك؟؟!!

****

دوا..

هَالمَرْدَقوشِه من الهوى

مالت مع هْبوب الهوا

ارْتَكْيت عَ زندي

مَعْها عَنقودي استوى

فُتْنا بْنَسيم الفَجْر…

ظلّينا سوا…

صُرنا دوا للوَرْد..

إن حِزْن وهوى!!!