مواطن قرعاوي : إرحمونا !!!!
تاريخ النشر: 15/04/11 | 5:04
إتصل صباح اليوم الجمعة بمكتب هيئة تحرير موقع بقجة مواطن من حارة الوسية غربي كفرقرع يشكو تواجد قاذورات وبقايا لحوم وخروف نافق بجانب الوادي بالقرب من البيوت في الحي مما يسبب الاذى الكبير لاهل الحي والى انتشار روائح كريهة بالمنطقة وخاصة في ساعات الليل, موجهاً ندائه عبر الموقع للاهالي بالبلدة يطلب عدم رمي القاذورات وبقايا اللحوم بكل المناطق المحاذية للوادي او على اطراف البلدة لما يسبب هذا الامر من ضرر كبير بالصحة , والى قسم الصحة بالمجلس المحلي للعمل على تنظيف المكان واتخاذ الاجراءات لمنع مثل هذا الامر مستقبلاً.
بس شو يعني الواحد بدو يحكي الله بعين
عنجد الله بعين …جراثيم
واخيرا في مين يحكي او يعبر عن القرف ويشكى الامر
اضم صوتي اليكم لنحافظ على بلدنا العزيزة وهذا متعلق بابنائنا المحترمون الذين يودون ان ينضموا الى المحافظة التامة للبلد الحبيب.
فعلا الوضع في منطقه الواد كتير صعبه رائحه كريهه واوساخ كتير من 5 سنين كانت المنطقه اجمل وانظف والسبب يعود للرئيس السابق لذا نرجو من رئيسنا الحالي الاهتمام اكتر بهذه المناطق متل الرئيس زهير يحيى بجد الله يرحم ايامك يا ريس
واطلب من اهل القريه رمي النفايات في الاماكن الملائمه
مع الاسف الشديد لقد نسي بعض سكان كفر قرع شعارها احب كفر قرع ” نظيفة وجميلة ” في ايام الربيع الجميلة نسير بجانب وادي البلد الجميل نشم روائح كريهة ونرى اكوام من الزبالة من بعض النجارين او اللحامين او كل مواطن يعمل تجديدات في بيته
نداء الى جميع سكان كفر قرع عامة والى رئيس المجلس وقسم الصحة خاصة الاهتمام بنظافة البلد في الداخل والخارج “النظافة من الايمان” وارجو ان يقوم المجلس بحملة تنزيلات لتغيير الحاويات البيتية التالفة .
نحن في حي “المقايل الغربي” نعاني ومنذ زمن من هذه المشكلة ونتوجه بالرجاء لاهلنا عدم القاء اي قاذورات بجانب الطرق لان مثل هذه التصرفات تضر بالقاطنين بجانب المكان او عابري السبيل ولنجعل شعارنا “النظافة من الايمان”.
أنا مرقت بالسيارة وكتير كانت الريحة مقرفة. كيف الي ساكنين بجنب الواد؟؟؟؟
واللي برمي هاي الاشياء مش شايف انو في دور هناك ورح يتضايقوا الناس؟؟ ولو بطيق هاي الريحة يتفضل يرمي بجنب دارو,,,,,,,,,,
البلد ولا مره بقى يصير فيها هيك انه يرمو وسخ وقرف عند الواد
لازم يحافظو على النظافه فيها وهاد ما بصير اذا ضلت البلد بهيك منظر
الانسان يفوق الحيوان ببعض السلوكيات الاساسية اغلبها تتعلق بالنظافة, تناول الطعام وطرق تصريف الفضلات, فان افتقدها خطا خطوة عظيمة الى الوراء. كل الاحترام.
طيب المجلس الموقر حطوا حاويه كبيرة او 2او 3
والي بدو يرمي مرة الجاي يرمي فيها
حل عبقري لا
المشكل انو الجماعه باجازه او المكيفات مع الدفايات بشتغلن مع بعض بالمكاتب وصعب معاينه الموقع
اخي الكريم صاحب المشكله اذا توجهه للمجلس ولم تلقى اي رد او حل بامكانك التوجهه لوزاره حمايه البيئه واعتقد ان الحل سيكون بايديهم اليك رقم الطوارئ الذي يعمل على مدار 24 ساعه : 9253321-08, 6911*, فاكس: 9253461-08او البريد الالكتروني [email protected] وهم بدورهم سيقومون بايصالكم بالشخص المناسب.
يا ريت على هيك وبس…..النبي وصانا على سابع جار….والجار اللي بستغل ساعات الليل لاسائل ولا مسؤول…وبمد الماسورة(الكشكة)من جورة التصريف(البيوف) على العشب الاخضر التابع له..زبين بيوت البشر…وطبعأ انبعاث الرائحة الكريهة…واقلاق مضاجع الناس والتسبب بالآذى لهم…عيب وحرام يا عالم…ارحمووووونا…ارحمو من في الارض يرحمكم من في السماء….يا ريت المجلس المحلي يعين لجنة تفتيش على مدار 24 ساعة…على هاي الامور وتحرير مخالفات.
خافوا الله يا ناس!
من يفعل هذا بالليل مثله كاللص الجبان! اذا هرب من المراقبين فكيف يهرب من رب العباد؟!