علمي يرفرف

زجلية علمي يرفرف
رح احكي قصه صغيره ياخواني ايش صار
صهيوني وفلسطيني وصوت انفجار
وبهمتنا القويه إِنصارع تيار
ما بنهاب المنيه وحكم الاقدار

فلسطيني امي، بدمي دم الاحرار
والباروده عاى زندي حممها نار
إِرضعنا حب الوطن من واحنا صغار
لازم يرجع لصحابه من صرنا كبار ..

هذه ارضي ولجدودي ارض الثوار
هذه بيوتي موجوده وساحات الدار
صهيوني ماسك بيدو دار ودوار
فداكي دمي ارضي شهيد ديار

وجروح الوطن فينا قتل الختيار
مفتاح دياره بايده والانتظار
مهما حاصروا. بينا وسدوا الجدار
ما في قوة بتكسرنا بعزم واصرار

بدمي اروي اوطاني..الحكام اشرار
شدوا عَ إيد المستوطن والاستعمار
طيارات الاعادي تضرب نحتار
نسيوا أصل القضيه بالاستنكار

صهيوني لا تعادي الأشبال،كتار
وقفوا بوجه الدبابه صوان حجار
بزنودن القويه دحروا الاعصار
عَلَمِي بإِيدي برفف رغم الحصار

إبتسام أبو واصل محاميد