أجواء متوترة وحرق إطارات عند مدخل كفرقرع

يعني مش عارفين ان في بنات ونسوان من البلد بهيك ساعه ممكن مروحات من شغلهن ؟؟؟

احلى بلد الله يحيي اصلهاا واجدع شباب✌

الاضراب والمظاهرات ليست بالخرق والعنف وانما بالصلاه والدعاء والثقافه

شو مفهمكم انتو معندكمش وطنية يعني الاشياء الي بتصير بنسكتش عليها و احلا شباب يا هيك يا بلاش

هذول شوية زعران مفكرينها لعبه وتسلايه ، وفي بنات ونسوان بروّحوا بهيك اوقات من الشغل ورايحات يرتعبوا بس يشوفوا كميات البوليس اللي بأول البلد، وينتا بدنا نخلص من هالجهل والتخلف انا مش فاهم، يعني لما حرقتو خربتوا على مين ؟ عاليهود؟ منتو خربتوا ببلدكم يعني بتخربو عحالكم وعلى بلدكم ، مش هيك المظاهرات ، الواحد يفكر بأخته او أمه اللي ممكن تبقى مروّحه بهاي الاوقات

الله يسامح

فش حاجة لفلسفة كثير
البنات والنسوان الي مروحات بهيك وقت شو ديصرلهن يعني؟
عاساس بده يصرلهن من الي قاعدين بعملو وبدوش يصرلهن وهني مروحات من المحل الي بكين في
كثر الله خيرهم الي مفكرين بالقضية الفلسطينية
عالاقل فكرو مش زي الباقيين بتذمرو
عنجد انكم عرب وبحياتكم ما بتتغيرو
نقلعو!

السلام عليكم،

لو سمحتوا أهل بلدي، فرّقوا بين الشّعب الفلسطينيّ الأبيّ اللي مسموحله يقاوم بكل ما أوتي من وسائل وقوة كونه تحت وطئة الاتحلال والذل والعنف المستمر، وبيننا احنا فلسطينيّوا الداخل اللي بشكل عام منعانيش حتى من جزء صغير من معاناة الفلسطينيين بالقدس والضفة وغزة. مقاومتهم للاحتلال هي اشي ومقاومتنا احنا اشي ثاني، والخلط بين هذول الثنتين هو اللي بسبب هاذ الانقسام.

أنا بلومش الشباب الفلسطينيين لما برموا أحجار وبولّعوا نار وبانتفضوا بأجسادهم ودماءهم وأرواحهم، لإنها أجسادهم ودماءهم وأرواحهم هي أصلاً معرضة للخطر، وفش عندهم ولا أي وسيلة ثانية يدافعوا عن أنفسهم فيها! هذول شعب عانوا من إسرائيل وقرف إسرائيل 70 سنة، كيف بدهمش ينفجروا وينتفضوا ويولّعوا ويدافعوا؟! هاي ما اسمهاش همجية! اسمها دفاع عن النفس، والدفاع عن النفس هو رد الفعل الطبيعي المقرر في كل قوانين الدنيا المدوّنة وغير المدوّنة، لمّا الواحد بتعرّض للاعتداء.

من جهة ثانية، أنا امبلا بلوم اولاد بلدي وفلسطينيي الداخل بشكل عام لما همي بولّعوا إطارات وبرموا حجار و”بنتفضوا” بهاي الطريقة. انتو عن شو بالزبط بتدافعوا؟ مين اللي اعتدى عليكم هسا؟ الإطارات اللي بتحرقوها بتفيد مين وبتضرّ مين بالزبط؟ فش ولا أي هدف من اللي انتو بتساووه! وبدل ما تضيّعوا كل هاي الطاقات عأعمال همجية وحكي فاضي، تعالوا شاركوا بالمظاهرات، ارفعوا علم فلسطين، صيّحوا “بالروح بالدم نفديك يا أقصى”، وقفّوا مع الحشود، اخلقوا انتو الحشود، تعالوا بعشارتكم ومئاتكم وحتى آلافكم وتظاهروا وسمّعوا العالم الصرخة اللي الإطارات المحروقة هاي ولا بعمرها رح تسمّعها! شو المشكلة تعبّروا عن غضبكم هيك؟

تعالوا نبقى صريحين: قسم كبير من الشباب اللي بولعوا الإطارات هدفهم هو بس الفرجة، أو يعملوا اشي بطاقاتهم الزايدة، او لانه هيك عندهم ميول طبيعية للعنف. شباب البلد، اصحوا واطلعوا من الفلم اللي انتو فيه… اذا وطنيّتكم صادقة وانتو عن جد بتهتموا بالقضية الفلسطينية، تعالوا شاركوا بالمظاهرات، تعالوا اعملوا تغيير حقيقي وملموس.

ورجاءً ما حداش يتهم المجلس ولجنة المتابعة بإنهم همّي اللي بحرضوا على هاي التصرفات. لجنة المتابعة بتعمل العكس تمامًا؛ هي بتدعوا الشباب يشاركوا بالمظاهرة تبعت بكرة بسخنين، والمشاركة بهاي المظاهرة هي بالمرة مش تصرف همجي وهي أصلاً الطريقة السليمة للتعبير عن امتعاضنا من إسرائيل وتضامننا مع وطننا وحبيبتنا فلسطين.

أخرى مرة- الشعب الفلسطيني موجود بوضع مختلف كليًا عن وضعنا احنا هون وهمي مسموحلهم يقاموا بأي طريقة. أي طريقة! مقاومتهم هي طاهرة وأبية، وربنا اللي بحاسبهم بالآخر اذا عملوا اشي غلط. فـبلاش نخلط وضعنا بوضعهم وطريقتنا بالمقاومة بطريقتهم.

على كل حال، حضور كل من يستطيع الحضور غدًا إلى المظاهرة هو واجب وطني. بفرنسا وبدول أخرى في العالم، طلعوا الناس يتظاهروا بالآلاف تضامنًا مع فلسطين. عيب علينا اذا احنا منعملش هيك، لإنهم الفلسطينيين من دمنا ولحمنا، أجدادهم وأجدادنا عمّروا هاي الارض مع بعض. هذول شعبنا، وفلسطين هي وطننا! وما حداش يخاف ويقول منصبي وشغلي وتعليمي، لإنه انتو مش عاملين اشي غلط! انتو بتمارسوا حقّكم الطاهر اللي ماحدا بغدر يمسّ فيه، إلكم كل الحقّ تسمّعوا صوتكم وتبدوا رأيكم وتعبّروا عن أنفسكم، كل هذا بمظاهرة سلمية لا فيها حرق إطارات ولا هم يحزنون وعشان هيك فش اشي تخافوا عليه.

مش معقول هاي الشباب بتحرق عجال وبتتهمجم دفاعاً عن الاقصى
مبين هم مش عارفين اصلا ليش بعملوا هيك

الله يحي البطن الي حملكم ! تحياتي لكل شاب يدافع باي طريقه عن وطنه ولو بابسط الاشياء …انتو الي بتقولو هاي شغل زعران وانا مش عارف الشو !!! ولكم انتي شو بفهمكم بالوطنيه انتو شاطرين تشتغلو زي الكلاب ولا بتفكروا انو موجود اقصى قاعدين بهدموا فيه !! اصحووووا يا خون !!

اسمع انتي ويا
اذا اليله بتنزلو على الشارع وتخربو بذوقو قتله اذا اهليكم مش عرفين يربوكم معناها يتحملو مسؤليتكم عاملين فيها وطنيه والله ما تندلو الاقصى انتي ويا شويت زعران اولدي قواريت بدكم تخربو علينا وعلى بناتنا اذا انتو ا بطال روحو على الاقصى وانتفضو هناك
رحنا قبل جمعه وقبل شهر على الاقصى مشفناكمش بس نسوان واكم الزلمه وين بكيتو بكاش في مدارس الي تتحجو يعني

مع احترام شباب بيعجبوكم

يسلم ثمك يا عمر
كل ما ذكرته صحيح

يا شباب يعجبوكم
احكي حكي مفهوووم وعقد عقلك ومحدا يسمعلوووو
ولاااااا انتي مش عاجبناااا تا تروح انتي ساعيتها منروووح وبعدين مش ساخي تنزل اول البلد الللله يحيييهم هدووول الشباب الي بنزلوووو اول البلد وحتى لو يحكو كلمتين خلللص بكفي حكو اوقفو مع الاقصى