درب

خلّوها مسيرِه
عَ الهَدَى
مِثِل نَعْفات النّدى
تحكي عن حاضر أليم
ما ينجى مِنّو حدا

تِتْشَعّب فينا الطّرْقات
تْوَدّينا عا متاهات
نمشي في موج العَتْمات
لصوتْنا…
ما في صدىّ!!

حالِتْنا في هَالبلوِه
شِكِل وردِه
عَمْ تِلْوي
لا نجمِه سمانا
تِضْوي
وْلا فِعْل يْكيد العدى!!

بَلْكي بْمسيرْةْ العودِة
عَ الدَرْب
راح نِسْتَهْدي
وْتِطْلع شي نجمِه تهدي
تِكْشِف للقلْب المدى…!

بقلم: سيمون عيلوطي