كفرقرع: إصابة سيدة باشتباك مع الشرطة بإعدادية ابن سينا
تاريخ النشر: 10/09/13 | 0:47.jpg)
على اثر مشكلة الطلاب بإعدادية ابن سينا وبعد القرار بتعليق الإضراب وانتظام الدراسة بالمدرسة صباح اليوم الثلاثاء قام اهالي الطلاب بالاحتجاج عند مدخل المدرسة حيث وقع اشتباك بينهم وبين الشرطة التي تواجدت بالمكان مما اسفر عن إصابة سيدة من البلدة بجراح وصفت بـ الطفيفة نقلت على اثرها لمشفى هلل يافة لتلقي العلاج.
وقد أثارت هذه التطورات لإمتعاض باقي الأهالي الذين قدموا غاضبين للاحتجاج بمبنى المجلس المحلي وتلقي الإجابات حول مصير ابناءهم.
تحدث لمراسل موقع بقجة مندوب اهالي الطلاب محمد عسلي ابو بكر قال:" ما حصل اليوم غير مقبول بتاتاً حيث ان الشرطة قامت في ابعادنا من ساحة المدرسة، وأضاف ابو بكر مطلبنا الوحيد هو ان نعلم اولادنا في قرية كفرقرع وفي اعدادية ابن سينا فقط ، لا تراجع بالموضوع لأننا اصحاب حق ومن هذه البلدة وسوف نستمر في الاحتجاج حتى ان يجلسوا اولادنا على مقاعد الدراسة كباقي طلاب كفرقرع".
تعقيب المجلس المحلي اصدر مجلس محلي كفرقرع قبل قليل بيان اعلامي اشار من خلاله الى ان الدراسة تنتظم كالمعتاد في مدرسه ابن سينا الاعدادية بعد ان حاول بعض من الاهالي منع طلاب المدرسه من الدخول الى حرم المدرسه لمزاولة تعليمهم . حيث استنكر المحامي نزيه مصاروه هذا التصرف مؤكدا ان مدرسه ابن سينا هي ملك لكفرقرع وليس لاي احد لا يحق لأي احد ان يتدخل في شؤون المدرسه مشيرا الى ان هنالك مشكله مع بعض الاهالي يحاول المجلس المحلي ووزارة المعارف حلها بالشكل القانوني والمهني.. علما ان الشرطه قامت بابعاد الاهالي من حرمه المدرسه.
كل شيء زاد عن حده نقص نقص نقص يعني بالعربي للشي في قسم المعارف ؟؟؟؟!!!يجب توزيع الطلاب فقط جغرافيا.
للأسف اللي شفناه اليوم كان صعب كثير علينا وعلى اولادنا وما كان لازم الشرطة تشحشط الام المصابة لانه بتحوجش والأفضل كان ايجاد حل جذري
والأدهى انه من المجلس بعثوا موظفة قريبة الرئيس تهدي الطلاب بعد اللي شافوه لكنها حاولت مش تهديهم وانما تقنعهم يتنازلو ويتعلمو بمدرسة ثانية افضل بحجة انه عالفاضي نضالهم هذا ونسيت انه ابنها بتعلم بابن سينا مع انه بيتها بحارة مدرسة السلام
لوينتا الاستهتار بعقولنا وعقول اولادنا
بطل الاشي موضوع مدرسة وصار موضوع مبدأ …لازم المجلس يكون العنوان لمشاكل التعليم مش البوليس
هذا تصرف غير لائق كل مدارس كفرقرع ممتازة وهذا تصرف لا يليق باهل كفرقرع
الشرطة ما صدقت هسا اي مشكلة بدها تدخل وتزيد الطين بلة!!!
المجلس المحلي لو سمح واتكرم علينا يهتم شو بهلمواضيع لأنو البلد صايرة من ناحية امن وامان معدومة!!! هاذ اهم من اي صفقة للمجلس اهتمو بلاماااان يعمي
لا حول ولا قوة الا بالله ….. وصل لهاي الدرجة …. خلص انا يمكن انتقل من المدرسة
مين السيدة معلمة ولا ام
انا مش فاهمة ليش الاصرار على مدرسة أبن سينا !! في مدارس ثانية وبالنسبة لانو مستواها اعلى بالتربية والتعليم هاذ كلو كلام فاظي ومفش منو يا عمي أولادنا درسوا بالسلام وجمعو علامات كويسة وعالية واخلاقهم عاليه للأسف بالهلبلد عمرنا ما رح نطور ونتقدم ما دام الواحد منا بقلد وبيمشي ورا اشياء تافه مثل هيك .
والله عيب الي بصير معكم يا اهالي كفر قرع كله عليش هذا علشان مبينين في الصوره 15 طالب بتحوجش هذه المساخر
تحيه كبيره للاهالي لانهم اعطونا فرصه
اصلا التربيه انعدمت من زمان ما وقفت عمدرسه.. وصار كل ش بالواسطه حتى بالمدارس ..لا نظام ولا امان .. مهزله بجد توصل للشرطه واصابات .. الله يصلح الاحوال ………
الطاقم الي وصل من المجلس فعلا نجح يهدي الأولاد. كان فعلا واضح انه االأهل بحطوا أولادهم بمواقف صعبة – بدون قصد- فمن المفروض أن يتواجدوا الأولاد ببمكان أمن وظروف تعليمية مناسبة والأمر غير ممكن بمدرسة ابن سينا لأن و.وزارة المعارف منعتهم من استقبالهم-وأن يستمر الأهالي بنضالهم بطريقة قانونية
لحضرة السيده رقم 7 تطلعيش على غيرك الاحسن شوفي مصلحة ابنك يدخل في مدرسه غيرها هذه المراه عندها ظرف خاص
الى تعليق رقم 1 2لو سمحتو ما حدا طلب منكم تكتبوا تعليق
انتوا اكيد مش من كفر قرع
لكل اهالي القريةالمتعلمين. من حقنا كأهل ان يتعلم أأوﻻدنا في جو تعليمي أمن أوﻻ.القضية أكثر من 35 ولد بدهم مدرسة ابن سينا . الامر والكل بعرفه ان نظام مد رسة يجب ان يتغيير يتعلم بها اكثر من400 طالب بامان .لم نتحدث عن قدرة المعلمين تعليميا. في المدارس الابتدائية يوجد حرية اكثر باختيار المدرسة ولهذا السبب نشهد تتطو ر في مجال التعليم والمناخ التربوي الافضل. متى سيصبح نفش الشيء في المداس الاعدادية في البلد. اتمنى النظر للقضية نظرة مستقبلية اكثر.
الحل بسيط وسريع حيث يوجد كمان اعدادية ومن المفروض توزيع طلاب البلد حسب مكان سكن الطالب جغرافيا حسب ما متبع وبدون محسوبيات من قبل اي جهة كانت وما يصح الا الصحيح , اعدادية السلام فيها كادر جيد يجب على الاهالي مواكبة ابناءهم والتعاون مع طاقم المدرسة من خلال المشاركة والمتابعة للمسيرة التعليمية , مدرسة بحاجة لدعم ودراسة , ما بغير حالها الا اهلها
كل الاحترام للام لانو كل اشيئ عملتوا من حق كل اولاد كفرقرع وانا مع هاي الام حتى تقعد ابنها او بنتها عاى مقعد الدراسة في ابن سينا و ايضا ليش هذا كلو صار عشان ولا واحد عرف ايقسم الطلاب صح لو ان اتقسموا حسب منطقة بيوتهم مش لازم ايجيبوا طلاب من اخر البلد على ابن سينا ولي بحد ابن سينا يروحو على السلام انو هذا الي بقول هذا الحكي وانا بقول للام الي عملت هيك انا معك اذا بدك اي مساعدة انا جاهزي وعلى استعداد كامل للمساعده
يا مجلس اتحرك
لازم من الأول يحطوا أولادهم بالمدرسه لليش هاي الفلسفة يعني وما دخلكم بالموقع الجغرافي رقم ٢ ١٤
يعني لحظه تعليق رقم ٢ انتي ما في الك الحق تقرر بجغرافيا وما جغرافيا بحق للطلاب يتعلموا وين ما يرتاحوا محدا طلب منك اتعلق وخلي تعليقك لحالك
الى المعقب رقم 4 هاي ام و الكل مكيف عالاضراب اما صبابا القعدة بالدار
أنا التعليق رقم٢ التوزيع لازم ان يكون فقط حسب جغرافية البيت الذي يعيش به الطالب. كل اللي بصير بالبلد فقط بسبب هذه الأقاويل والأهازيج التي يستمع اليها أطفال بالصف السابع يعني ١٢سنه. بعدين قبل بعض السنين كان الامر معكوس. تعقلوا تعقلوا تعقلوا. مصلحة الأولاد ان يتعلموا بأسرع وقت ممكن
مع تحياتي للرئيس المجلس وينو؟؟
وين مدير قسم المعارف الي وحده مسؤول عن التقسيم
تحية للاهالي المناصلين
وكأنني اراكم تناطحون من لا يكترث لشكواكم ولا يفقه مطلبكم
كأنه في واد وانتم في وادي
مطلبكم حق ونضالكم مشرف
وعلى جميع الجهات المرتبطة بالموضوع احترام مطلب الاهالي والتعامل معه بمسؤولية كاملة ومهنية
اختيار المدرسة هو حق لكل طالب
انا رأيي انو المجلس مقصر بكثير اشياء من ناحية البلد ,, وهاظ الموقف يلي نحطينا فيو الصبح كان صعب كثير علينا ومكنش لازم يصير قدام الطلاب ,, اللي زي هاظ الوضع لازم يروح على المجلس مش هون على المدرسه
صاحب التعليق 25 كلامك صح 100 من 100
انا بدي افهم ليش يغني بس ابن سينا ماهو في غيرها مدارس محترمه والله انه مدرسة السلام ما في بعدها وكل الاحترام لالها اولادي مبصوطين والي بدو يتعلم بتعلم وهاي كلها فلسفات
ليعلم أهالي الطلاب الذين يريدون ادخال أبنائهم الى المدرسه أننا لن نسمح بتعطيل المدرسه من اجل عيونهم فاولادنا عزيزون علينا ايظاً
اي جغراقية بلد تقرر للطالب وين يتعلم. لا يوجد اي قانون من هذا. القانون مع رغبة الطالب وين يتعلم .ولي شايف انو من حق ابنه فقط يقرر وين يتعلم ولا انو ولاد بلدو معطلين التعليم على ابنو . بكرا مش بغيد بصفي ابنو منحالو لما بدوش يشارك ألم باقي الطلاب . والحق انو في مدرسة بحاجة ماسة للاصلاح.
رقم25كلامو فاضيبحقش للولد انو ياخذ حقو انو يتعلم بمدرسه بحبه لما بدوا يتعل يكون مبسوط
هل اهل البلد مش شايفين والا عاملين مش عارفين قولوا اذا سمحتم مين منكم شاف حضرة الريس (رئيس المجلس) زار المدارس!!!!!
والا سأل عن النواقص.
كل واحد هو بيقرر على اي مدرسة بدو يروح بس كمان صعب على مدرسة ابن سينا لانو في عدد كبير من الطلاب فيها
بكرا إضراب ولا لع
رقم ٢٢ يا اخي العزيز لنفرض انه كل الي في مدرسه السلا م حابين يتعلمو في مدرسه ابن سينا شو الحل
بطل جاي عبالي اروح عالمدرسة لانو ببساطة مش جاي عبالي اغير برنامجي امسح احسنلي بعمل اشي مفيد بدل النطرة عالبوابة
في اضراببببببب
صدقوني ابن سينا تهمها القشور والسلام تهمها الجوهر .عارف شو بحكي .ابن سينا للوزاره والسلام للبلد
لكل الاهالي،، شو ذنب الطلاب لحتا تطردوهم من المدرسة انتو مشكلتكم مش معنا احنا مالنا!! اذا ولادكم مش راضيين يدخلوهم المدرسة
يعني لازم كلنا منتعلمش عشان ولادكم
الشيء الي بيعملو الأهالي شيء خاطىء !!!
تم تقسيم الطلاب جغرافيا و كل واحد لازم يروح على المدرسة الي أجا التقسيم فيها وهذا بالرغم من انه مدرسة السلام غير قوية يجب على لجنة الأهالي ان تعمل جهود وتطالب في تحسين المدرسة
كل الاحترام لقرار وزارة المعارف والمجلس وعدم التهاون والرضوخ للضغوطات …
بلا فلسفات فاضي ومش بمحلها!!
الي بدو يتعلم بتعلم سواء في ابن سينا ويلا بالسلام!!
وطاقم التعليمي بابن سينا مش احسن من السلام مع احترامنا للكل:)
ليش خليتونا أنروح والله اروح على النهضة احسنلي قرف
الاشي كان صعب اليوم كثير مش شوي ! بس الاهل معهم حق ! باختصار ” ديمقراطية ” كل واحد حر وين دحط ابنه !! لازم يكون جو مريح في المدرسة وابن سينا عندها نظام وجو مريح لطلابها ..! هشا المشكلة الطلاب الزيادة ! للاسف ما ظل محل الهم ! المدرسة استقبلتهم بس الجلس عارض ! وعشان يكون الهم محل لازم يكون صف ( بناية) للطلاب كراسي – لوح وبالاضافة لازم يكون ساعات زيادة ومعلمين ! ولنفرض في معلمين مين بدو يدفعلهم المعلمين ؟! عشان هيك هون بيجي خطأ الاهل هم ما غادرين يتقبلوا هاظ الاشي ! وبعدين حسب رايكم شو السبب انو في ست صفوف سوابع بابن سينا وبالسلام صفين ؟! الادارة ! يا عمي الادارة بالسلام مش ادارة ! لو الادارة ممتازة زي ادارة ابن سينا كان ما صار هيك مشاكل ! المجلس هون غلطته ! لازم يوفر بمدرسة السلام ادارة ممتازة ! وبيئة ملائمة للطلاب وللتعليم !
كل المدراس مليحة وكل المعلمين بعلموا بنفس الكتب وبنس المنهاج واللي بدوا يتعلم وين ما تحطوا بتعلم .اللهم انة هذة المدرسة اذا كنسوا الساحة بعملوا فنة ورنة .وصور ونشر بكل المواقع.
صدقوني الولد الشاطر شاطر والاهل الي متابعين اولادهم تعليميا هم الي بنجحوا لا دخل مدارس ولا كوادر محنا بالمدارس وعارفين البير وغطاه
والله منور الشاشه يا ابو باسل
تموت الزعامه من بعدك
مش كل من قال انا زعيم هو زعيم
والتاريخ بشهد يا ابو باسل
الى رقم 43 مش الاهالي الي اطلعونا المديره الي اطلعتنا !
الى الاهل الكرام انتم يحق لكم اختيار المعلم والمدرسه لماذا لا يحق للمعلم ان يختار طلابه ؟ كفى تجريح اهتموا بتربيه اولادكم .
انا بقول انو لازم الاهالي يروحو يطالبو بحقهم عند المجلس ويعملة مظاهرة مدخلش المدرسة والمديرة نوال ما دخلها 🙂
الى تعليق رقم 23 انا برايي تسكت احسن لتنو الجغرافيا الها دخل لانو لازم بس الناس ال كراب على مدرسة ابن سينا يبكوا فيها!!! اصلا عيب عيب يا اهل كفرقرع ابصر تشيف البلد صايري اطوش ومشاكل وطخ بعدين وين المجلس ليش مدخلوش ليش مجوش على المدرسة ولا عيب يا كفرقرع
ياي صبابا بكا طوشي متعلمناش ياي 🙂 :*
تحياتي الكم كلكم انا لا بدي ادافع عن مدرستي ولا اشي بسس حابي اقولكم كلكم انتو تفكريركم السلبي تجاه مدرسة السلام غلللط لانو انتو مشفتووش شو في بمدرسة السلآم عشان تقولو انو ابن سيينا احسن يعني هظني بتعللم مشفتش فيها ولا اي اعاقة اذا خايفيين عأولادكووم انو مينجحوش بمدرسة السلام ويمكن برظو بمدرسة ابن سينا مينجحووش حسب شو قدرة اولادكم للتعلييم … والله انا حسب رايي الي بدو يتعلم بتعللم حتى لو بأي مدرسة ….. وكلل المدارس زيي بعظـ انا بقوليش انو فش فيها مشاكل السلآم مبلاا فيها يمكن يصيير مشكلي او جداال بس بنحل …. وبكل مدرسة فيي مشاكل بتصير وصدقوني … وعكفرة درسة السلآم فش بعدها وانا بفتخر انو هاي مدرستي اول اشي الاحترام والتربية فيها فوق الافق .. لمعلميين فش بعدهووم … التعليييم بجنن وجو التعلييم فش بعدو … احنا بالمدرسي ايد وحدي كلنا مع بعضض … شو بدي اقللك يعني اكثر من هييك … صدقوني الي بتفكرو فيي غللط … عكفرة بتخسرو مواد تعليمية هييك كل يوم اضراب اذا اول السنة بس اضراب شو معناها بآخرها ؟؟؟؟؟ ….