من غابتنا طلع صوت

من غابتنا طلع صوت..

صوت بْيِهتف وينادي:

غابتنا كانت جنة منِ الجنات

فيها تْربّوا اولاد … تْربّوا بنات

وفجأة فينا انقلب الحال…

يومِ الفار حَرَسِ الجِبْنات

ونْسينا شو قال الاجداد

وشو قالت لينا الجدّات!

قالو بصريح العبارة:

إِوْعو.. إصحو.. !!

عَلْجِبْنِه لا تْأَمِّنْ فــــار…

ولا ذيب عالغنمات

يا اهل الغابة فِزّو اصحو

فاركم…لا ذمّه ولا أخلاق

قاعد بِقرْقِط بالجِبـْنـــــــــــــــــــــات

واللّي زاد الطين بَلِّـــــه…

اجا لْغاتنا جاهل غريب…

ثعلب مكّار ومُريب

عِمِلِ الغابِه عِزْبــــــِةَ ابو

ومِنها يْلَمْلِم غَنايــــــــــــــِـــــم…

يسرح ويمرح في الغابه

والكلّ عنّو نايــــِـــــــــــــــــــــــــــــــــــم

جاب اختو… جاب اخوه

والقريب قبل الغريب…

وِحْنا يا حسرة علينا

ما في إِشي في ايدينا

يَلاّ اصحو يا نيـــــــــــــــــــــــــــــــــام

إلتَم الثعلب على الفار الْهُمام…

قولوا عَلى غابتنا… السلام.

تحسين زحالقة