قصة هاي أختي..

“بقلم:يوسف جبارين”

القصة تدور حول شاب اسمه فريد وهو شاب عمره 20 عام..فريد شاب شديد جدا على اخته الصغيرة نبال ..

نحن الآن داخل بيت فريد..فريد يتحدث مع اخته نبال..

فريد:اسمعي أنا الزلمه بالدار..وانا قلت ما في طلعه من البييت الا باذني

نبال:شو يعني؟؟بدك تسجني بالدار زي عرقوق البحره؟؟

فريد:سكري عالموضوع ولا تناقشيني..

بعد لحظات رنه جرس هاتف فريد…فريد يتزوي بزاوية منفردة..

فريد:الو..

المتصل:ما عرفتني؟؟أنا غدير

فريد:اهلين اهلين غدير شو اخبارك؟؟

غدير: الحمد لله انت كفيك..صار لك زمان ما طليت علينا

فريد:أنت كمان صار لك يوم ما اتصلتي يا حبيب قلبي..

غدير:لان البابا امراقب الموبايل تبعي..بالزور لحتى حكيت معك اليوم فريد اليوم بشوفك الساعة سبعه بنفس المكان الي اجتمعنا فيه قبل أسبوعين

غدير:ماشي..انا رايحه احضر حالي

فريد:طيب يا نبال امنرجع لموضوعنا

نبال:يعني شو فيها اذا اليوم اطلعت بس نص ساعه بدي اشوف صاحبتي الهام

فريد:ماشي ماشي..بس لا تطولي انت اختي بخاف عليكي من جيل اليوم الله يبعدنا عنه..

نبال:والله معاك حق يا ابو الفر..جيل ما بخاف ربو..

فريد:انا بدي اياكي مثل ما ربيتك..خليني افتخر بالناس واقلهم هاي اختي هاي اختي..

نبال:قول إن شاء الله..

بعد ثواني رن جرس نبال..

نبال:السلام عليكم ورحمة الله..

المتصل:شو يا مادبي؟؟شلونك؟؟

نبال:اهلين وسهلين ..كيفك ؟؟

المتصل.الحمد لله تسمعي اليوم طلع شريط جديد لهيفاء وهبي بطير العقل..

نبال:لا لا كيف شفتيلي اياه؟؟

المتصل:بجنن…المهم اسمعي اليوم بتروحي مثل ما قلتلك على مدرسة الاخوه مثل ما اتفقنا..

نحن الآن في مطعم مدرسة الاخوه..فريد وغدير جالسون..

فريد:اهلين بحبيبة القلب

غدير:أهلين بخاطف قلبي..

فريد يلفت نظره الى طاوله اخرى.يقع نظره على شاب يجلس مع فتاه.

غدير:على ايش بطلع يا ابو عين زايغه..

فريد:في بنت قاعدي هناك..يخرب بيتها شو …….طالعه مثل الاميرات يعني حرام لو كنت انا الي قاعد معها بدال هاذ الصرصور؟؟؟؟

غدير:انا ما بحب هيك شغلات انت قلتلي انك بتحبني وليش بتطلع على غيري؟؟

فريد:ولك ليش ما بتطلعي لورا؟مالي انا؟؟

بعدها صاح فريد بصوت عالي دون وعي او تركيز…يا قمر

هنا نظرت الفتاه الى صاحب الصوت…فريد ينظر الى الفتاه..

فريد:شو هاذ هاي انتي؟؟

غدير:مين هاي يا ابو الفر؟؟

فريد:هاي اختي نبال..

بعدها تقدم الشاب الى فريد..

الشاب.انت بتغازل بصاحبتي يا نذل؟؟صلي شهر بزبط فيها هسه جاي تنزعها علينا؟؟

فريد:ولك هاي اختي

نهاية القصة