من غابتنا طلع الصوت

من غابتنا طلع صوت…
صوت بيهتف وينادي:
إسْمعتو شو قال التلميذ..
قال التلميذ الفطين…
لاسْتاذه الشيخ امين:
امبيرح شُفتِلَّك شوفِه…
يا لطيف… ويا معين
شفت ابنك وِبْنِ الشيخ ياسين
بسيارة… رايحين.. جايين
موسيقى بأعلى صوت..
وعمْ بعاكسو بلحلوين!
رد الشيخ عليه وقال:
يا بْنَيّي …شيء مش معقول!!
هذا محال… ومِنّي.. يـميــــن
هَذولَه بِصَلّو الخمس اوقات…
وعلْجامع… رايحين جايين
اكيد شايف ناس ثانيين…
قال الفتى لاستاذه امين:
امبارح…
بحارتنا قامت صيحه..
سب وشتم… وسب الدين
جينا نشوف شوللي صاير…
هُمّي… هُمّي… أُلْطُف يا مُعين
زِعِل الشيخ ورفع الصوت:
مش ممكن… إنتو تايهين
وعينيكم …لازم عميانين

تحسين زحالقة