إصابة شابين في ملاحقة شرطية غربي كفرقرع
تاريخ النشر: 07/09/16 | 9:50
تعرض سائق دراجة نارية يبلغ من العمر 24 عاما من قرية كفرقرع بإصابة خطيرة واخر باصابة وصفت بالمتوسطة اثر مطاردة شرطية لهم غربي كفرقرع.
هذا وقد قامت قوات الاسعاف بنقل المنصابين الى مستشفى هلل يافة الخضيرة لتلقي العلاج بينما باشرت الشرطة التي وصلت الى المكان التحقيق في الحادث.
اسأل الله العظيم ان يشفيهم
للإسف الشرطة مضطرة تلاحق هيك شباب مخالفين للقانون لردع غيرهم لأنو الناس ما بتعاونوا مع الشرطة وللقبض على עברייני תנועה الّي بهددوا سلامتهم وسلامة أهل البلد
ناهيك عن الازعاج واستعمال المركبات لغير الضرورة
ليش الشرطه بتفوت على بلدنا والبلدان العربيه بس بيجوًمن الشمال والناصره وبتدخل جوا البلد ليش بنشوفهمش ببردس حنا ولخضيره وچڤعات عاده يروحو يمسكو الخارجين عن القانون الفعليين تبعين المخدرات والسلاح ليش تا يلاحقو الشباب جوا البلد لدرجه انه يوصلو لاصابات وانقلاب عن الدراجات السكوت على هالاشي مش معقول وهاي مش اول مره والمسئولين ساكتين لو انه المصاب يهودي كان قامت الدنيا وما قعدت وانتو يا شباب ديرو بالكم ويا اهل بلدي شو المشكله نحط حزام وما نهرب من الشرطه ونخاطر بحياتنا وشكراً
هي وقفت على الحزام يا اخ مؤنس يعني انت مش شايف السرعه الا بسوقو فيها جوا البلد من تراكترونات ومن سيارات زي الصاروخ يبقو طايرين لا نافع معهم مليح ولا عاطل انا ضد انها الشرطه تبقى بالبلد اما اكيد من كثر الشكاوي اجو يعني السرعه هاي لو لا سمح الله تضرب ولد شو بدو يصير فيه (وما ظلمناهم ولكن انفسهم كانو يظلمون)
لو في بلد ثانيه فيها زلام كان كسروا الشرطه
ممنوع الشرطه تعمل מרדף جوا البلد
مين الشباب انشالله سليمه
شو صار للشباب انشالله سليمه
احنا فخورين بزلوميتك يا اخ اسامه
انا مش موجود في البلد بس اسأل اللي بعرفوا بقولولك ممنوع الشرطه تلاحق مشتبه وتعرض حياته وغيره للخطر بس لما بكون عربي ما حدا بيسأل
لماذا مخالفة القانون؟ لماذا الهروب من الشرطة؟ حتى متى تهورًا أيها الشباب؟!
المشكله اخ مواطن انه مش عاملين اشي للزعران وبروح فيها المواطن البسيط الي بنسى يحط حزام او بعمله مخالفه بسيطه طبعا انا مش مع المخالفين بس يعمي بلدنا مش حاله عنها اجهزه الدوله كلها من شرطه لضريبه لتامين وطني وغيرهم الا اذا فش باسرائيل غير كفر قرع مخالفه فهاذا اشي ثاني وكمان مره بنقول للشباب يديرو بالهم احسن وما يكونو تحت رحمه حدا غير رب العالمين
مين هلي توفه
يعمي وين الرئيس ما يتدخل بلي بصير كل يوم منسمع عن ملاحقه الشرطه بلشباب مهي ناقصه كل يوم يموتو شباب مثل الورده لازم نلاقي حد لهل موضوع بنفعش هيك
ادعو للمصابين بالشفاء ..
لنلوم انفسنا اولا قبل الشرطة .
الشرطة تقوم بواجبها وليقوم كل منا بواجبه .خاصة الاباء والامهات والمسؤولين في البلد .
من بداية السنة قتل حوالي ٧٠ عربي في حوادث الطرق..والله حرام يا عالم ،اشي بقطع القلب .
معظم الحوادث سببها اهمال السائقين .
الاخوة والاخوات السائقين :اتوسل اليكم وفي هذه الايام المباركة من ذي الحجة ،الحل بأيدينا نحن السائقين.
هيا نلتزم ونتعهدبسياقة قانونية صحيحة وحذرة ونلتزم بآداب السياقة و هي مأخوذة من إسلامنا الحنيف :الصبر والتسامح والتعاون والمسؤولية وإحترام الاخرين ..وفوق كل ذلك : السياقة بحذر .
اللهم احفظنا واحفظ ابناء نا من كل سوء .
امين امين امين .
آمين عمي ابو صالح كلامك عسل بارك الله فيك