طبق اليوم الخامس عشر من رمضان
تاريخ النشر: 15/08/11 | 1:26
اليوم هو اليوم الخامس عشر من أيام الشهر الفضيل وست البيت قلقة حائرة … تحاول التوفيق باختيار الطبخة الملائمة لجميع أفراد العائلة… فقد جهزت في الأيام السابقة من رمضان أغلب الأكلات المرغوبة لجميع أفراد العائلة ولم يبقى الكثير من الإختيارات, لكن تأتي أم السعيد في زاوية “طبق اليوم” لتقدم لها إقتراحها للوجبة اليومية…ولتتيح الفرصة لزوار الموقع بالمشاركة بالتعقيبات حول إقتراحات أخرى لوجبات إفطار أخرى عل بها الإستفادة للجميع, وهي تقترح ان يكون الاكل اليوم اكثر فخامه كونه منتصف الشهر وتكثر فيه العزومات.
واليكم إقتراح أم السعيد لوجبة إفطار اليوم الخامس عشر من رمضان:
وجبة الإفطار:
شوربه , سلطه , مخلل , حمص والطبق الرئيسي خاروف محشي ومنسف على طريقة اهل المثلث بحيث يكون الارز مغمور بكثير من المكسرات وفوقه الخاروف وبجانبه وعاء لبن مطبو خ
الحلو : لمناسبه كهذه افضل الكنافه اصابع
السحور : لبن, عجة, تفاحة وكاس أعشاب
صحتين وعافية ورمضان كريم
يعني يا ام السعيد مش الكل بقدر على هاي الطبخه
اللي ما بقدر ع الخاروف يطبخ فخده او قص او اي جزء من الخاروف ورمضان كريم
وهادا كمان يا ام سعيد غالي واحنا امنقدرش على حقوا احنا ناس على قدحالنا اي انا نفسي بعرفش ايشو هوي المنسف ولا القص بدنا يا ام سعيد طبخات اللي الكل بعرف يطبخها كمان انها اتكون سهلة وبمقدور الكل انا رح انتظر تعليقك يم سعيد
انا معك خيتا وانا برضو بعرفش اشو هوي المنسف وهوا غالي اسمعت انو زاكي بلا يا ام سعيد اطبخي اوديلي من يداكي وشكرا على النشر
وصفه رائعه وزاكيه وكمان فخمه
تسلم ايدك
بس ما منعرف طريقه المنسف يا ريت تخبرينا
ورمضان كريم
شو يعني خاروف محشي مع منسف مع بعض… ؟؟؟ يعني طبخة وحدة هاي ولا ثنتين؟؟؟ وكيف الطريقة؟؟
تحياتي ام السعيد
والله كنه جوزك مكيف عهالطبخات الزاكية
انا مرتي بتعرفش تطبخ غير جاج حشي ورز لبن
زهقتني حياتي
اه وكمان مقلوبة
شو رايك اتجوز كمان وحدي بس تكون طباخة ماهرة زيك؟؟
اوعي تحكي قدام ام سليم…طب شو بعرفك فيها ما احنا من عارة وانت من زمير زي ما انا فاهم
يالله نصيب هالدنيا
شو طبخة بكرا يا ام السعيد؟
زهقنا اللحوم والطبخات الكبيرة
جاي عبالي نواشف بس زي شو .؟؟؟
بدنا اقتراحاتك يا حلوة
انا عملت اليوم سمك مشوي مع سلطات منوعة وحمص وفلافل وشوربة عدس
ما ضل اشي وكان زاكي كثير كثير
عملنا شنيتسل امبارح بس كان صعب لانه اذن وانا اقلي بس كان زاكي