مقترحا لحماية الأطفال من الخطف في المولات

بعد انتشار حالات خطف الأطفال في الشوارع، مؤخرا، وتزايد الحديث عن وجود عصابات متخصصة في خطف الصغار، قرر إسلام ماهر، أب لطفل صغير يدعى قاسم، قرر أن يكون أكثر إيجابية وينشر مقترحا لحماية الأطفال من الخطف في المولات التجارية.

الأساور الورقية التي يرتديها المقيمون في الفنادق هي الحل من وجهة نظر ماهر، حسب نشر عبر صفحته الشخصية على موقع “فيس بوك”: “كل ما بدخل مول في أي يوم خصوصا في الأجازات والزحمة اللي بتبقى فيه، بتخيل دايما لو قاسم لا قدر الله تاه مني وسط الزحمة دي، خصوصا بعد ما بدأ يمشي ويسرح مع نفسه لو اتخطف هيبقى صعب إني ألحق أبلغ باختفائه، مع كمية المخارج الكبيرة اللي موجودة في أي مول”.

وأضاف ماهر: “جاتلي فكرة بسيطة كفيلة بإنهاء مأساة الخطف في الأماكن المزدحمة دي، والفكرة دي جاتلي من الأساور اللي بتتوزع عليك لما تروح أي فندق، وبتطالب بارتدائها مدة إقامتك لتمييز نوع إقامتك، ببساطة أي مول يقدر يوفر الأساور دي بحيث يبقى عليها أرقام مسلسلة وليكن 5 أرقام، لما أدخل أنا وابني كل واحد يلبس واحدة عليها نفس الرقم، وأثناء خروج أي طفل مع شخص ما لازم أمن البوابات يوقفهم ويتأكد إن الأرقام متطابقة، ولو حصل إن مامته مش لابسة الأسورة وحبت تطلع بيه تتمنع لغاية ما باباه ييجي ويتأكدوا إنهم مع بعض، الفكرة بسيطة ومش هتكلف حاجة وممكن أي شركة كبيرة تبقى راعي ليها مع إدارة المول وتبقى دعاية مجانية ليها”.

الفكرة التي طرحها ماهر لاقت تفاعلا كبيرا من مستخدمي “سوشيال ميديا”، حيث أكدوا أن الفكرة مطبقة بالفعل في عدد من الدول مثل دبي، لكن آخرين شككوا في جدواها مع الزحام الشديد.