الأمّورة لمى شادي أبو زهيّا ( عيلبون ) في عامها الأوّل

لمى وردة جوريّة
حلوة كثير وشَلبيّة
فيها براءة ، وفيها طُفولة
وفيها نسمة عِطريّة
بتزقزق من الصُّبح بُكّير
على شُبّاك الفجريّة
بتقول اصحوا يا عْصافير
وسبّحوا ربّ البرية
وامشوا معي شي مِشوار
تحت الشّمس السَّنيّة
قبل سنة جيت الدّار
في ليلة تشرينيّة
زغردَتْ سِتّي وأبوي صار
مثل الشّمعة المضويّة
وجَدّي كتبلي أشعار
من قصايدو الحُبيّة
فرح أخي آدم وشوي غار
وتْخبّى حتّى البدريّة
وقال هَللمى ضمّة أزهار
لونها بلون الحريّة

كلمات جدّها : زهير دعيم