عد للعشرة

عد للعشره عد للعشره…
يا عالم.. شوية احساس
عامل حالك الشاب الشاطر
وحامل سكينه للناس..!
واذا اتطلع حد بعينك..
طوالي ترميه برصاص!
منك نظره ..منه كلمه …
وهاي جدال على كاس
عد للعشره عد للعشره..
مش رخيصه ارواح الناس
مالك دايما دمك حامي ..
وراسك مليان بالوسواس
بسمع منك ..اسمع مني..
بلاش ترضي .. هالخناس
عامل حالك فتوة عصرك
بتضرب أخماس واسداس
وانت قاعد جوه قصرك ..
بتبعث بتهديدك.. عباس..!
بدك خاوه .. بدك مال ..
بدك تجبي أموال الناس
وقف عندك الزم حدك ..
ما بنرضى برجلك ننداس
انت غريب..منك منا ..
ارحل عن بلدي يا قاس
مش كل واحد قلك كلمه
طوالي بترميه بفاس..!
يا بترحل من بلدي أحسن
يا بتصير.. زي الناس..
احنا كرهنا لون الدم ..
وكرهنا صوت الرصاص
لازم تعرف انو احنا ..
زهقنا..تعبنا ..ملينا خلاص
على موقف سياره بنتقاتل ..
عىى حد ..وسور.. وقياس
واحنا قرايب واحنا جيران
لكن عرق الجهل كنه دساس!
من أول كلمه بنحكيها ..
نلاقي الفاس وقع في الراس!
عد للعشره عد للعشره…
يا عالم شوية احساس..!!!!

جميل بدويه