قصة مهرجان الاقصى: بقلم يوسف جبارين
تاريخ النشر: 03/09/11 | 14:19
الناس يتجمعون في ارض الملعب البلدي….الفرق الاسلاميه بدات بتقديم البروفات وتجهيز نفسها للمهرجان..
الجماهير الغفيره دخلت ارض الملعب..المهرجان اوشك على الابتداء…الكل جلس على مقعده
الناس بداو بالحوار اثناء الخطبه الاولى..
قال احد الحضور:سبحان الله ما اجمل جو المهرجان..اشي برفع المعنويات.
قال اخر:ما شاء الله كل الناس هاي جايي حتى ترفع راية الاقصى في خطر
قال اخر لرفيقه:شو يا انس شايف بلش المهرجان وبعدها ما اجت موجتك..
انس قال:انا حكيت معها اليوم بالماسنج وصار الحكي نلتقي هون..افففف
قال اخر لرفيقه:اسمع اسمع هالشيخ شو عم يحكي ابصر قديش مدفوعلو حتى يحكي هالحكي..
قال الاخر:لا اتق الله لا تكون ظنون…اسمع اسمع ما شاء الله هالكلام..
قال اخر لرفيقه:يا حبيبي على كلام الشيخ ………اشي برفع المعنويات
قال الاخر:اه والله في كثير بالبلد ناس ملاح لكن احنا الي مش عارفين
قالت احدى الفتيات في نفسها:صلي ساعه ونص قاعده وما في وحده من الصبايا انتبهت للمكياج الي حاطه ع وجهي..
ننتقل الى احد الخطباء:الاقصى في خطر..ونحن في غفلة من امرنا..كيف سنعود خير امة اخرجت للناس؟؟
نعود الى الحضور:
قال احد الشباب:سامع الشيخ شو عم يسال:قال وينت بدنا نرجع احسن امه والمصيبه انه بقول ان النصر قريب
قال الاخر:اسمع وسطح الحكي ابلاش هسه بس يروح بنسا كل اشي قاله
قال احد الشباب:والله براو عليك يا سيدي الشيخ الله ينصرك على اعدائك ويخليك لهالبلد مرفوع الراس
في هذه الاثناء دخل محيط الملعب فتايات..قسم من الشباب راو الفتيات..
قال الاول:يا عيني على مهرجان الاقصى شو حلو…
الثاني:اه والله حلو بوخذ العقل.ه
الثالث:يا شباب وطو سوطكم هسه بتفضحونا خلونا انغير المحل ونروح ع محل ما في ناس كثير
الاول:وانت جبتها..يالله
نعود الى الخطيب:يا اخواني اسمعو مني هذه الابيات بهدوء
لقد اقترب مني العقرب الغدار فتجاهلته….واقترب مني حاول ان يلدغني فتناسيته
ولكن يا اخوتي الى متى سيبقى هذا النسيان.واعلدو في تكاثر
وحركتنا في تثاقل
والمساجد في تسائل عن المصلين في تعاجب
والحكام العرب فقي تنازل..
نحن الان وصلنا الى خاتمة المهرجان..
قال احد الشباب:ولك المهرجان قرب يخلص قوم قوم تنطلع ونتفرج عالامه العربيه الجميله..
قال احد الشباب في نفسه:اففف.بالهسرعه خلص المهرجان ..يالله معلش المهم ان استفدنا اشواي
قال شاب لصديقه:شو رايك بالمهرجان؟؟
قال الاخر:يييي اتعودنا على هالحكي صلهم 11 سنه بحكو نفس الحكي.. مسخره
قال اخر لصديقه:شو تقييمك للمهرجان؟؟
قال الاخر:ما شاء الله برفع المعنويات والله العظيم
نعود الى الشيخ:والان نختم المهرجان ونقول لكم بارك الله في حضوركم وارجو من الاخوه ترتيب المقاعد وبارك الله فيكم……..
هنا قام احد الشباب ليرتب الكراسي فصاحى به صديقه:شووو بتعمل هسه وقت تصفيت الكراسي تعال معي برا نتفرج عال……….
قال الشاب:والله معاك حق بلا كراسي بلا بطيخ خليهم ينباعو بالعزا..
بعدها نهض الشباب الابطال للعمل الخيري في تصفيت الكراسي..
نهاية القصه
ارجو من الاخوه الكرام قراة القصه بتركيز واضح حتى لا يفهموني غلط وارجو ان تلاحظو انني ذكرت النقاط الايجابية والسلبية
اخي يوسف والله ان كلامك لهو كلام حق وصحيح ما اود قوله حضرت هذا المهرجان مره واحده ولم اعد الى هناك بل اصبحت مدمنا بزياره الاقصى وما اجمل ان نصلي الفجر من كل جمعه بات الامر في دمي فليجرب كل منكم ذلك فباصات البيارق بانتظاركم شكرا اخ يوسف
احييك اخي الحبيب قاسم
الف مبروك عيد الميلاد عقبال الميه بعد الاف الى الاخ يوسف .
بالصحه والعافيه
تحية للاخ يوسف جبارين